Czasopis (1990)
З Вікіпедыя.
CZASOPIS, Часопіс, беларускі інфармацыйна-культурны часопіс, які выдаецца Аб'яднаннем беларускіх журналістаў у Польшчы. Выходзіць з красавіка 1990 ў горадзе Беласток (Польшча) на польскай і беларускай мовах.
Выданне змяшчае штомесячны агляд грамадска-палітычных і культурных падзей на Беласточчыне, у Беларусі, Польшчы і ў свеце. Асвятляецца становішча беларускай нацыянальнай супольнасці, царкоўнае жыццё ў Польшчы і на Беласточчыне, гісторыя праваслаўных прыходаў і цэркваў.
"Czasopis" друкуе ўспаміны ўдзельнікаў гістарычных падзей у Польшчы і на Беларусі, артыкулы пра дзеячаў беларускай культуры, творы беларускіх пісьменнікаў Беласточчыны. Друкуюцца дыскусійныя матэрыялы, лісты чытачоў, інтэрв'ю. Аўтарскую рубрыку мае вядомы пісьменнік і публіцыст з Беласточчыны Сакрат Яновіч.
У часопісе змяшчаюцца таксама: каляндар падзей, агляд друку, рэцэнзіі, прэзентацыі.
Выданне ілюстраванае.
Галоўны рэдактар – Ю. Хмялеўскі.
