Іван Іларыёнавіч Бардышаў
Іван Іларыёнавіч Бардышаў | |
---|---|
Дата нараджэння | 14 ліпеня 1912 |
Месца нараджэння | |
Дата смерці | 30 кастрычніка 2000 (88 гадоў) |
Род дзейнасці | хімік |
Навуковая сфера | лесахімія |
Навуковая ступень | доктар хімічных навук |
Навуковае званне | член-карэспандэнт НАНБ, прафесар |
Альма-матар | |
Узнагароды |
Іван Іларыёнавіч Бардышаў (14 ліпеня 1912, с. Рускія Нарвашы, Янцікаўскі раён, Чувашыя — 30 кастрычніка 2000) — беларускі савецкі вучоны ў галіне лесахіміі. Член-карэспандэнт АН БССР (1959), доктар хімічных навук (1953), прафесар (1955)[1].
Біяграфія[правіць | правіць зыходнік]
Скончыў Ленінградскую лесатэхнічную акадэмію ў 1936 годзе. Удзельнік Вялікай Айчыннай вайны. З 1954 загадчык кафедры хіміі Беларускага лесатэхнічнага інстытута, адначасова загадчык лабараторыі лесахіміі, у 1963-79 загадчык лабараторыі хіміі тэрпеноідаў Інстытута фізіка-арганічнай хіміі АН БССР[1].
Навуковая дзейнасць[правіць | правіць зыходнік]
Навуковыя працы па распрацоўцы сучасных метадаў аналізу тэрпеноідаў, вывучэнню іх хімічнай будовы і ператварэнняў, сінтэзу практычна важных прадуктаў. Распрацаваў тэхналогію сінтэзу медыцынскіх прэпаратаў — камфары , эпікамфары, фянхона і іх вытворных, метад асвятлення каніфолі, спосабы атрымання гідрыраванай, палімерызаванай і дыспрапарцыяніраванай каніфолі, каніфолі з высокімі дыэлектрычнымі ўласцівасцямі і іншае[1].
Вызначыў колькасны склад сумесяў тэрпенаў , іх кіслародзмяшчальных вытворных і смаляных кіслот, выдзеленых з дрэў іглічных парод[2].
Навуковыя працы[правіць | правіць зыходнік]
Аўтар больш за 500 навуковых прац, у тым ліку 6 манаграфій, больш за 50 вынаходстваў[2]:
- Развитие отечественной лесохимической промышленности. Мн., 1958.
- Синтетические продукты из канифоли и скипидара. Мн., 1964 (в соавт.).
- Новое в лесохимии. М., 1973.
Узнагароды[правіць | правіць зыходнік]
Узнагароджаны ордэнамі Працоўнага Чырвонага Сцяга (1962), Айчыннай вайны II ступені (1985), медалямі[2].
Зноскі
Літаратура[правіць | правіць зыходнік]
- Весці АН БССР. Серыя хімічных навук. 1992, № 5-6.
Спасылкі[правіць | правіць зыходнік]
- Іван Іларыёнавіч Бардышаў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
- Нарадзіліся 14 ліпеня
- Нарадзіліся ў 1912 годзе
- Нарадзіліся ў Казанскай губерні
- Памерлі 30 кастрычніка
- Памерлі ў 2000 годзе
- Дактары хімічных навук
- Члены-карэспандэнты НАНБ
- Выпускнікі Санкт-Пецярбургскага лесатэхнічнага ўніверсітэта
- Кавалеры ордэна Айчыннай вайны II ступені
- Кавалеры ордэна Працоўнага Чырвонага Сцяга
- Асобы
- Вучоныя паводле алфавіта
- Хімікі Беларусі