Іван Елісеевіч Самбук

Іван Елісеевіч Самбук
Дата нараджэння	28 ліпеня 1919(1919-07-28)
Месца нараджэння	Рог, Мазырскі павет, Менская губерня, БССР
Дата смерці	28 мая 1979(1979-05-28) (59 гадоў)
Месца смерці	Мінск, БССР, СССР
Месца пахавання	Усходнія могілкі
Грамадзянства	СССР
Прыналежнасць	СССР
Род войскаў	артылерыя
Гады службы	1939–1964
Званне	палкоўнік
Бітвы/войны	Вялікая Айчынная вайна, Курская бітва
Узнагароды і званні	медалі

Іван Елісеевіч Самбу́к (28 ліпеня 1919, вёска Рог Петрыкаўскага раёна Гомельскай вобласці — 28 мая 1979, Мінск) — удзельнік Вялікай Айчыннай вайны, Герой Савецкага Саюза (1943).

Біяграфія

І. Е. Самбук нарадзіўся ў вёсцы Рог (сучаснага Петрыкаўскага раёна Гомельскай вобласці Беларусі). Скончыў педагагічны рабфак. З 1939 года ў Чырвонай Арміі. Падчас Вялікай Айчыннай вайны са жніўня 1941 года на Паўднёвым, Бранскім, Цэнтральным, 1-м Украінскім франтах. Агнявы ўзвод 34-га гвардзейскага артылерыйскага палка (13-я армія, Цэнтральны фронт) вызначыўся ў ходзе Курскай бітвы, фарсіравання Дняпра, Прыпяці, Дзясны.

У 1945 годзе І. Е. Самбук скончыў Томскае артылерыйскае вучылішча, у 1956 годзе — Ваенна-інжынерную радыётэхнічную акадэмію проціпаветранай абароны імя Маршала Савецкага саюза Л. А. Говарава. З 1964 года падпалкоўнік І. Е. Самбук у адстаўцы. Жыў у Мінску. Працаваў выкладчыкам у Мінскім радыётэхнічным тэхнікуме. Званне палкоўніка прысвоена ў запасе.

Памёр 28 мая 1979 года. Пахаваны ў Мінску.

Узнагароды

• Медаль «Залатая Зорка»
• 2 ордэны Чырвонай Зоркі
• медалі

Памяць

• У экспазіцыі Беларускага дзяржаўнага музея гісторыі Вялікай Айчыннай вайны знаходзіцца гаўбіца, разлікам якой камандаваў І. Е. Самбук.
• Імя Героя носіць студэнцкі будаўнічы атрад Мінскага дзяржаўнага вышэйшага радыётэхнічнага каледжа.

Літаратура

• Самбук Іван Елісеевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 138. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Іван Елісеевіч Самбук на сайце «Героі краіны»
• Педагоги — уроженцы Белоруссии, удостоенные звания «Герой Советского Союза» Архівавана 10 сакавіка 2013. (руск.)
• Бои на Курской дуге (1942—1943)(недаступная спасылка) (руск.)