Іван Львовіч Глінскі

Іван Львовіч Глінскі
герб «Глінскі»
Харунжы земскі ВКЛ 1501 — 1501
Пераемнік	Мікалай Юндзіловіч
Ваявода кіеўскі 1505 — 1506
Папярэднік	Дзмітрый Іванавіч Пуцяціч
Пераемнік	Юрый Мантоўтавіч
1-ы Ваявода новагародскі 1506 — 1508
Пераемнік	Альбрэхт Гаштольд
Нараджэнне	каля 1460
Смерць	1522(1522)
Род	Глінскія
Бацька	Леў Барысавіч Глінскі
Дзеці	Аляксандр

Іван Львовіч Глінскі (каля 1460 — да 1522) — згадваецца з 1482 г., намеснік ожскі і пераломскі (1495 г.), харунжы земскі (1501 г.), ваявода кіеўскі (1505 г.) і новагародскі (1507 г.). Асноўныя маёнткі меў у Кіеўскім павеце.

Падтрымаў малодшага брата Міхаіла ў час мяцяжу Глінскіх 1508 г. супраць вялікага князя ВКЛ Жыгімонта Старога, разам з ім з'ехаў у Вялікае Княства Маскоўскае, дзе атрымаў Мядынь. Пасля арышту Міхаіла істотнай ролі у палітычных падзеях не адыгрываў.

Яго сын Аляксандр і іншыя дзеці памерлі маладым.

Літаратура

• Насевіч, В. Глінскія / Вячаслаў Насевіч // Энцыклапедыя гісторыі Беларусі: У 6 т. Т. 3. Гімназіі — Кадэнцыя / БелЭн; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1996. — 527 с.: іл. — С. 46. — ISBN 985-11-0041-2.