Ілья Львовіч Курган

Ілья Львовіч Курган
Дата нараджэння	26 мая 1926(1926-05-26)
Месца нараджэння	Барысаў, Барысаўская акруга, БССР, СССР
Дата смерці	21 жніўня 2019(2019-08-21) (93 гады)
Грамадзянства	СССР  Беларусь
Дзеці	Уладзімір Ільіч Курган
Адукацыя	Беларускі дзяржаўны тэатральны інстытут (1949)
Прафесія	акцёр
Тэатр	Беларускі дзяржаўны ўніверсітэт культуры і мастацтваў Беларуская дзяржаўная акадэмія мастацтваў
Узнагароды

Ілья Львовіч Курган (сапр. Эйдэльман; 26 мая 1926, Барысаў, Барысаўская акруга — 21 жніўня 2019) — беларускі акцёр, дыктар радыё, тэатральны педагог. Заслужаны артыст Беларускай ССР (1968).

Біяграфія

Скончыў Беларускі тэатральны інстытут (1949) па спецыяльнасці «Акцёр драматычнага тэатра» (першы выпуск інстытута, курс Еўсцігнея Міровіча). З 1949 года — дыктар (да 1987 года) і артыст Нацыянальнай тэлерадыёкампаніі Беларусі. З 1959 года выкладаў у Беларускай дзяржаўнай акадэміі мастацтваў (з 1992 года — прафесар кафедры сцэнічнай мовы), з 1995 года — адначасова ў Беларускім універсітэце культуры.

Творчасць

Мастацтва І. Л. Кургана выявілася ў радыёпастаноўках «Прымакі» Я. Купалы, «Паляўнічае шчасце» Э. Самуйлёнка, «Сцяг брыгады» А. Куляшова, «Незабыўныя дні» М. Лынькова, у шматсерыйным радыёспектаклі «Доктар Русель» У. Дзюбы. Сярод запісаў: на радыё — «Скіп’ёўскі лес» К. Чорнага (1995), «Пан Тадэвуш» А. Міцкевіча (1997), на грампласцінках — паэмы «Курган» Я. Купалы, «Новая зямля» і «Сымон-музыка» (урыўкі) Я. Коласа, «Мужнасць» і «Летні дзень» (урыўкі) П. Глебкі, «Дзесяты падмурак» П. Труса, вершы М. Багдановіча, П. Броўкі.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 46. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

• «Я Курган, про меня ещё Янка Купала писал». Легендарный диктор — про старость, культуру и шутки Архівавана 22 жніўня 2019. // TUT.BY 26 мая 2016