Імшарніца
| Імшарніца | ||||||||||||||
 Імшарніца шматлістая (Andromeda polifolia)
|
||||||||||||||
| Навуковая класіфікацыя | ||||||||||||||
|---|---|---|---|---|---|---|---|---|---|---|---|---|---|---|
| Царства: | ||||||||||||||
| Аддзел: | ||||||||||||||
| Клас: | ||||||||||||||
| Парадак: | ||||||||||||||
| Сямейства: | ||||||||||||||
| Род: |
Імшарніца |
|||||||||||||
| Навуковая назва | ||||||||||||||
|
Andromeda L., 1753 |
||||||||||||||
|
||||||||||||||
Імша́рніца, андрамеда (Andromeda) — род кветкавых раслін сямейства верасовых.
Род уключае 2 віды. Пашыраны ва ўмераным і арктычным паясах Паўночнага паўшар'я. Адзіны від на Беларусі — імшарніца шматлістая (Andromeda polifolia) расце ў забалочаных хвойных лясах, на сфагнавых балотах.
Шматгадовая, вечназялёная кусцікавая расліна вышынёю 6-40 см. Сцяблы тонкія, ляжачыя, чырвона-бурыя з буравата-шэрымі галінкамі. Лісце чаргаванае, лінейна-авальнае або ланцэтападобнае, скурыстае, знізу лямцавае з завернутымі краямі. Кветкі белавата-ружовьія, з яйцападобна-гарлачыкавым зросла-пялёсткавым вяночкам і чырвонай чашачкай на паніклых кветаножках. Цвіце ў маі-чэрвені Плод — 5-гнездавая шматнасенная каробачка.
Лекавая, фарбавальная (дае чорную фарбу) і таніданосная расліна. Лісце мае ядавіты гліказід, небяспечны для авечак і коз.
