Інакенцій X, Папа Рымскі

З пляцоўкі Вікіпедыя.
Перайсці да: рух, знайсці
Інакенцій X
Innocentius PP. X
Інакенцій X
Знакаміты партрэт пэндзля Дыега Веласкеса
236-ы Папа Рымскі
15 верасня 1644 — 7 студзеня 1655
Каранацыя: 4 кастрычніка 1644
Царква: Рымска-каталіцкая царква
Папярэднік: Урбан VIII
Пераемнік: Аляксандр VII
 
Імя пры нараджэнні: Джамбатыста Памфілі
Giambattista Pamphili
Нараджэнне: 7 мая 1574(1574-05-07)
Рым
Смерць: 7 студзеня 1655(1655-01-07) (80 гадоў)
Рым
Прыняцце свяшчэннага сану: невядома
Епіскапская хіратанія: 1627
Кардынал з: 1627

Інакенцій X (лац. Innocentius PP. X, смвецкае імя: Джамбатыста Памфілі, італ. Giambattista Pamphili; 7 мая 1574 - 7 студзеня 1655) — папа рымскі з 15 верасня 1644 да 7 студзеня 1655 г.

Джамбатыста Памфілі нарадзіўся 6 мая 1574 года ў Рыме ў сям'і з Губіа, якая была ў далёкім сваяцтве з Борджа. Даводзіўся пра-пра-праўнукам Папе Аляксандру VI.

Вывучаў права і працаваў на розных пасадах у Рымскай курыі. Урбан VIII прызначыў яго нунцыем у Францыю, а затым — у Іспанію. У 1629 годзе быў прызначаны кардыналам. Інакенцій Х кіраваў царквой сумесна са сваім непатам, Каміла Барберыні, які атрымаў кардынальскую шапку неўзабаве пасля абрання яго дзядзькі на папскі прастол. Вялікую ролю пры папскім двары адыгрывала і маці кардынала-непата Алімпія Майдалькіні, празваная «папесай». Яна вырашала часам найважнейшыя пытанні палітыкі апостальскай сталіцы.

У 1648 годзе Папа асудзіў заключэнне Вестфальскага міру, які спыніў Трыццацігадовай вайне. У дактрынальнай сферы атрымаў вядомасць дэкрэт Інакенція X, які асуджаў янсенізм — рэлігійны кірунак, што быў папулярны тады ў Францыі. З мэтай пашырэння тэрыторыі папскай дзяржавы Інакенцій Х распачаў ваенны паход супраць маленькага княства Кастра, якое належала сям'і Фарнезэ. Горад быў захоплены, даму і цэрквы ў ім разбураны, а зямля, на якой ён знаходзіўся, далучана да папскіх уладанняў.

Карцінная галерэя Інакенція X і яго сваякоў дагэтуль знаходзіцца ў руках іх нашчадкаў. Яна выстаўлена ў Рыме як галерэя Дорыа-Памфілі. Выбудаваная па загадзе пантыфіка віла Памфілі — упадабанае месца адпачынку жыхароў Рыма.