Іосіф Сцяпанавіч Пятосін

Іосіф Сцяпанавіч Пятосін
Дата нараджэння	9 верасня 1882(1882-09-09)
Месца нараджэння	Бабруйскі павет, Мінская губерня, Расійская імперыя
Дата смерці	1938
Месца смерці	Менск, СССР
Грамадзянства	Расійская імперыя  СССР
Род дзейнасці	матэматык, педагог
Навуковая сфера	матэматычны аналіз, дыферэнцыяльная геаметрыя, тэорыя імавернасцей і варыяцыйнае злічэнне
Месца працы	БДУ
Навуковае званне	прафесар
Альма-матар	фізіка-матэматычны факультэт Маскоўскага дзяржаўнага ўніверсітэта[d]

Іосіф Сцяпанавіч Пятосін (9 верасня 1882, Бабруйскі павет, цяпер Магілёўская вобласць — 21 кастрычніка 1938, Мінск, НКУС) — беларускі матэматык, педагог. Прафесар (1932).

Біяграфія

З сям'і рабочага. Атрымаў вышэйшую адукацыю ў Маскоўскім універсітэце (1906). З 1906 года выкладаў у сярэдніх і вышэйшых навучальных установах Літвы і Расіі. З 1921 года ў БДУ (з 1922 намеснік дэкана, у 1924-31 загадчык фізіка-матэматычнага аддзялення педагагічнага факультэта), адначасова ў 1931-38 гадах у Беларускім энергетычным інстытуце, у 1933 годзе ў БПІ. Навуковыя працы па аперацыйным злічэнні і дыферэнцыяльных ураўненнях. Член матэматычнай секцыі Галоўнай тэрміналагічнай камісіі Інстытута беларускай культуры. Падчас арышту выкладчык Беларускага політэхнічнага інстытута. Арыштаваны 16.5.1938. Асуджаны «тройкай» НКУС 22.8.1938 як «удзельнік контррэвалюцыйнай паўстанцкай арганізацыі і агент польскай разведкі» да ВМП з канфіскацыяй маёмасці. Расстраляны. Рэабілітаваны трыбуналам БВА 13.3.1956. Справа П. № 6692-с захоўваецца ў архіве КДБ Беларусі.

Літаратура

• Гусак А. А. Пятосін Іосіф Сцяпанавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 195. — 10 000 экз. — ISBN 985-11-0035-8. — ISBN 985-11-0216-4 (т. 13).