Ірына Дарафеева
Ірына ДАРАФЕЕВА (нар. 6 ліпеня 1977, Магілёў) — беларуская спявачка, выканаўца папулярнага рэпертуара. Заслужаная артыстка Рэспублікі Беларусь (2007).
Займалася спевамі з 12 гадоў у ВІА «Вясёлка». У 1989 перамагла на І Рэспубліканскім конкурсе маладых выканаўцаў, у 1993 атрымала дыплом на конкурсе фестывалю «Славянскі базар». Праз год была запрошаная салісткай у ансамбль «Верасы», адначасова была адзначаная ў намінацыі «Адкрыццё году» тэлеконкурсу «Фаварыты году». З 1997 па май 1999 — салістка Дзяржаўнага канцэртнага аркестра Беларусі. У 1998 дала некалькі канцэртаў як вакалістка джаз-трыа Аркадзя Эскіна. З 1999 працуе разам з прадзюсарам Юрыем Савашам. На працягу 2001—2002 правяла унікальны ўсебеларускі тур, які ўключаў у сябе 435 канцэртаў.
У рэпертуары спявачкі — песні беларускіх, украінскіх, румынскіх аўтараў, кавер-версіі твораў з рэпертуара М. Радовіч, У. Высоцкага, А. Панамарова, «Shoking Blue». Выконвае народныя песні, балады, творы ў стылістыцы поп-рок, джазавыя стандарты, супрацоўнічае з вядомымі выканаўцамі і аранжыроўшчыкмі Беларусі, з Дзяржаўным ансамблем танца Беларусі і арт-праектам Я. Паўлінай «Зоркі гімнастыкі», спявае на беларускай, рускай, польскай, англійскай мовах.
Найболей вядомыя песні: «Рэдкі госць» (муз. І. Паліводы, сл. Л. Пранчакі), «Гора — не бяда» (муз. Л. Шырына, сл. А. Лягчылава), «Балада» (муз. Дзм. Далгалёва, сл. У. Пецюкевіча).
Гастролі: Бельгія, Германія, Люксембург, Польшча, Аўстрыя, Швейцарыя, Нідэрланды, Літва, Югаславія, Балгарыя, Украіна.
Фестывалі: 1-шы фэстываль песні аб’яднанай Еўропы (Zielona Gora, Польшча, 1999), «Залаты шлягер» (Магілёў; 1998, 1999), «Славянскі базар» (неаднаразова).
Узнагароды: 2-ая прэмія конкурсу «Залаты шлягер 1998» (Магілёў), 1-ая прэмія конкурсу «Славянскі базар 1999», 1-ая прэмія конкурсаў «Vilnius 1999» (Літва) і «Discovery 1999» (Балгарыя), 2-ая прэмія конкурсу на фестывалі ўкраінскай песні ім. В. Івасюка (2000).
Дыскаграфія: альбомы MC і CD «Рэдкі госць» («Ковчег», 1999), CD «Рано или поздно» (аўт. выд., 2000), «Пульс маiх хвiлiн» (2003). CD i DVD «Каханачка» (West Records, 2004—2005), «Как в первый раз» (2007), «Хочу быть мечтой» (2007); трэкі «Гора — не бяда», «Тайна грэшнага спаткання» (у зборніку «Красное танго. Песни на стихи Александра Легчилова» — ТON-Records, 1999).
Кіно і відэа: фільмы «Мгновения» (Белвідэацэнтр, 2000, 15 хв.), «Дарогі Ірыны Дарафеевай» (Белвідэацэнтр, 2003, 55 хв.), кліп «Рок-н-ролл».
[правіць] Літаратура
- Дорофеева Ирина // Кто есть кто в Республике Беларусь: Электронный справочник; БДГ on-line. — Эл. ресурс bdg.by;
- Біяграфія // Ірына Дарафеева — Афіцыйны сайт — Эл.рэсурс irinadorofeeva.com
[правіць] У Сеціве
- http://www.irinadorofeeva.com/by/ — Афіцыйны сайт І. Дарафеевай
