Агурочнік

Агурочнік
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  incertae sedis Сямейства:  Бурачнікавыя Падсямейства:  Бурачнікавыя Трыба:  Boragineae Род:  Агурочнік
Міжнародная навуковая назва
Borago
Сістэматыка на Віківідах Выявы на Вікісховішчы ITIS   31727 NCBI   13363 IPNI   ???

Агурочнік, бурачнік (Borago) — род адна- і шматгадовых травяністых раслін сямейства бурачнікавых.

Адрозніваецца 3 віды, пашыраныя пераважна ў Міжземнамор'і. Лёгка дзічэе, як пустазелле трапляецца ў Еўропе і Заходняй Азіі. На Беларусі расце агурочнік лекавы, або агурочная трава, — адналетнік.

Вышыня 30—100 см, сцябло прамастойнае. Лісце суцэльнае з агурочным пахам і смакам (адсюль назва). Цвіце ў чэрвені — ліпені. Кветкі блакітныя, ружовыя, белыя, у суквеццях-завітках. Плод — чатырохарэшак.

Лекавая (мачагонны, патагонны, змякчальны сродак), меданосная і дэкаратыўная расліна, вырошчваюць як агародніну (маладое лісце прыдатнае на салату).

Літаратура

• Агурочнік // БЭ ў 18 т. Т. 1. Мн., 1996.