Адмоўны лік

Адмо́ўны лік — рэчаісны лік, меншы за нуль. На рэчаіснай восі адмоўным лікам адпавядаюць пункты злева ад нуля.

Адмоўнасць ліку пазначаецца знакам «-», які ставіцца перад яго лічбавым абазначэннем, напрыклад:

-1 (чытаецца «мінус адзін»)

−23 (чытаецца «мінус дваццаць тры») і г.д.

Адмоўныя лікі на лікавай восі

Адмоўным лікам з'яўляецца:

• сума адмоўных лікаў
• здабытак або дзель дадатнага і адмоўнага ліку.

Для кожнага адмоўнага ліку існуе адзіны супрацьлеглы да яго дадатны лік, гэта значыць лік, які роўны яму па модулі, але мае супрацьлеглы знак.