Адміністрацыйны падзел Эстоніі

Эстонія дзеліцца на 15 паветаў (эст.: maakond, мааконд), якія ўзначальваюць старэйшыны (эст.: maavanem), што прызначае ўрад. Паветы падпадзяляюцца, у сваю чаргу, на муніцыпалітэты двух тыпаў: гарады (эст.: linn) і воласці (эст.: vald).

Існуе таксама тып муніцыпальнага ўтварэння пасялковая воласць (эст.: alevvald), у склад якой ўваходзіць і тэрыторыю якой ўтварае толькі адзін пасёлак. У Эстоніі шэсць пасялковых воласцяў: Аэгвійду, Ярвакандзі, Кохтла-Ныме, Лавассаарэ, Таотсі і Вяндра.

Сёння ў Эстоніі 227 муніцыпалітэтаў, іх узначальваюць валасныя старэйшыны (эст.: vallavanem) або мэры гарадоў (эст.: linnapea). Талін дзеліцца на ўнутрыгарадскія адміністрацыйна-тэрытарыяльныя адзінкі — часткі горада (эст.: linnaosa). Управа часткі горада узначальваецца старэйшынай часткі горада (эст.: linnaosavanem).

Спіс паветаў Эстоніі

(Пры націсканні на выяву (назву) якога-небудзь павета, будзе зроблены пераход на адпаведны артыкул.)

Беларуская назва	Эстонская назва	Насельніцтва (2006), тыс. жых.	Терыторыя, тыс. км²	Шчыльнасць, чал./км²	Цэнтр
Валга	Valga maakond	34,7	2,044	17,0	Валга
Вільяндзі	Viljandi maakond	56,4	3,422	16,5	Вільяндзі
Выру	Võru maakond	38,5	2,305	16,7	Выру
Іда-Віру	Ida-Viru maakond	172,8	3,364	51,4	Йыхві
Йыгева	Jõgeva maakond	37,3	2,604	14,3	Йыгева
Ляэнэ-Віру	Lääne-Viru maakond	66,2	3,465	19,1	Ракверэ
Ляэнэ	Lääne maakond	27,9	2,383	11,7	Хаапсалу
Пылва	Põlva maakond	31,5	2,165	14,5	Пылва
Пярну	Pärnu maakond	89,0	4,807	18,5	Пярну
Рапла	Rapla maakond	36,9	2,980	12,4	Рапла
Саарэ	Saare maakond	35,1	2,922	12,0	Курэссаарэ
Тарту	Tartu maakond	149,0	2,993	49,8	Тарту
Хар’ю	Harju maakond	521,3	4,333	120,3	Талін
Хійу	Hiiu maakond	10,2	1,023	10,0	Кярдла
Ярва	Järva maakond	38,0	2,623	14,5	Пайдэ

Гісторыя

У XIII стагоддзі эстонскія землі дзяліліся на 8 маакондаў: Вірумаа, Ляэнемаа, Равала, Саарэмаа, Сака, Уганда, Хар’юмаа, Ярвамаа.

Пасля ўваходжання ў склад СССР Эстонія ў 1947 была падзелена на раёны (эст.: rajoon), а ў 1953 быў праведзены эксперымент па падзелу Эстоніі на вобласці. Усяго іх было створана тры:

• Пярнуская
• Талінская
• Тартуская

Аднак у тым жа 1953-м яны былі скасаваныя. У 1987 годзе ў Эстоніі было 15 раёнаў і 6 гарадоў рэспубліканскага падпарадкавання. Гэтая сістэма адміністрацыйнага дзялення захавалася і пасля набыцця незалежнасці — раёны сталі называцца паветамі (маакондамі), а некаторыя з іх памянялі назву, але іх колькасць не змянілася. Гарады рэспубліканскага падпарадкавання, у тым ліку і Талін, былі ўключаныя ў склад паветаў.