Адольфа Перэс Эсківель

З пляцоўкі Вікіпедыя
Перайсці да: рух, знайсці
Файл:Adolfo perez esquivel clarin.jpg
Адольфа Перэс Эсківель

Адольфа Перэс Эсківель (ісп. Adolfo Pérez Esquivel; 26 лістапада 1931, Буэнас-Айрэс, Аргенціна) — аргенцінскі пісьменнік, скульптар і архітэктар, лаўрэат Нобелеўскай прэміі міру (1980) з фармулёўкай: «Як змагар за правы чалавека».

Біяграфія[правіць | правіць зыходнік]

Нарадзіўся ў сям'і іспанскага эмігранта. Дзяцінства і юнацтва Перэса Эсківель прайшлі пад моцным уплывам каталіцкай царквы. Вышэйшую адукацыю атрымаў у Нацыянальнай школе выяўленчых мастацтваў у Буэнас-Айрэсе. У наступныя гады Перэс Эсківель становіцца вядомым скульптарам і выкладае архітэктуру ў розных навучальных установах Аргенціны. Атрымлівае Нацыянальную прэмію ў галіне мастацтваў. У 1977 годзе быў арыштаваны і больш за год знаходзіўся ў зняволенні без прад'яўлення абвінавачвання і суда. Арганізацыя «Міжнародная Амністыя» прымала актыўны ўдзел у яго вызваленні. Значная частка Нобелеўскай прэміі была перададзена ім у дабрачынныя арганізацыі.