Адольфа Радрыгес Саа

З пляцоўкі Вікіпедыя
Перайсці да: рух, знайсці
Адольфа Радрыгес Саа

Адольфа Радрыгес Саа Паэс Мантэра (ісп.: Adolfo Rodríguez Saá Páez Montero; 25 ліпеня 1947, Сан-Луіс) — аргенцінскі палітык, часовы прэзідэнт Аргенціны з 23 па 30 снежня 2001 г., член перанісцкай Хустысіялісцкай партыі. Стаў вядомы аб'явай найбуйнейшага ў гісторыі дэфолту.

Нарадзіўся ў вядомай і багатай правінцыйнай сям'і палітыкаў - нашчадкаў актыўнага ўдзельніка грамадзянскіх войнаў арабскага паходжання Хуана Саа. У 1971 годзе скончыў універсітэт Буэнас-Айрэса, факультэт права і сацыяльных навук. Пасля падзення ваеннай хунты ў 1983 годзе Адольфа быў абраны губернатарам правінцыі Сан-Луіс.

У 2001 годзе ў Аргенціне адбылося рэзкае пагаршэнне эканамічнага становішча з-за эканамічнага крызісу. Урад быў вымушаны выплачваць працэнты па крэдытах, скарачаючы зарплаты, затрымліваючы выплату пенсій і абмяжоўваючы зняцце наяўных грошай з банкаўскіх рахункаў. У снежні ў краіне пачаліся масавыя беспарадкі якія прывялі да гібелі 20 чалавек да 20 снежня. 21 снежня прэзідэнт Фернанда дэ ла Руа сышоў у адстаўку. Пасля яго адстаўкі выконваючым абавязкі прэзідэнта павінен быў стаць віцэ-прэзідэнт, але ён сышоў у адстаўку яшчэ раней, і в.а. прэзідэнта стаў старшыня Сената Рамон Пуэрта, аднак ён прабыў на пасадзе ўсяго 48 гадзін. За гэты час на экстраным сходзе парламента часовым прэзідэнтам быў абраны Саа, прадстаўнік апазіцыйнай Хустысіялісцкай партыі. За яго аддалі галасы 169 дэпутатаў Кангрэсу, 138 галасавалі супраць.