Адольф Эйхман

З пляцоўкі Вікіпедыя
Перайсці да: рух, знайсці

Адо́льф Э́йхман (Айхман; ням.: Adolf Eichmann, 19 сакавіка 19061 чэрвеня 1962, Рамла, Ізраіль) — нацысцкі ваенны злачынец, непасрэдна адказны за знішчэнне мільёнаў яўрэяў у гады Другой Сусветнай вайны. Оберштурмбанфюрэр (падпалкоўнік) СС.

Біяграфія[правіць | правіць зыходнік]

Нарадзіўся ў Золінгене. 3 1934 на службе ў імперскім упраўленні бяспекі, узначальваў пададдзел «па справах яўрэяў». У час II сусветнай вайны удзельнічаў у распрацоўцы і рэалізацыі планаў фізічнага знішчэння яўрэйскага насельніцтва ў Еўропе, непасрэдна кіраваў арганізацыяй транспарціроўкі яўрэяў у канцяагеры. У 1942 наведаў Мінск з інспекцыяй знішчэння вязняў Мінскага гета.

Пасля разгрому нацысцкай Германіі ў 1945 годзе здолеў уцячы ад спецслужбаў саюзнікаў, а ў 1950 годзе пераехаў ў Аргенціну, дзе хаваўся пад імем Рыкарда Клемент. У 1958 годзе ізраільcкім спецслужбам стала вядома яго месца знаходжання, а ў маі 1960 года ён быў тайна схоплены агентамі ізраільскай разведкі Масад і вывезены ў Ізраіль.

Эйхмана судзілі ў Іерусаліме за масавыя забойствы і злачынствы супраць чалавечнасці. Ён быў пакараны смяротнай карай праз павешанне 1 чэрвеня 1962 года.

Літаратура[правіць | правіць зыходнік]

  • Беларуская энцыклапедыя: У 18 т. Т.18 Кн.1: Дадатак: Шчытнікі — ЯЯ / Рэдкал.: Г. П. Пашкоў і інш — Мінск: БелЭн, 2004. — Т. 18. — С. 53. — 472 с. — 10 000 экз. — ISBN 985-11-0295-4 (Т. 18 Кн. 1).