Адыс-Абеба

Горад Адыс-Абеба амх.: አዲስ አበባ Герб Краіна Эфіопія Каардынаты 9°01′38″ пн. ш. 38°44′13″ у. д. Мэр Аданах Абібі Заснаваны 1886 Першая згадка 1887 Ранейшыя назвы Фінфін Плошча 530 км² Вышыня цэнтра 2400 м Тып клімату субэкватарыяльны Афіцыйная мова амхарская Насельніцтва 3 627 934 чалавек (2009) Шчыльнасць 5936 чал./км² Нацыянальны склад амхара, арамо Канфесійны склад мусульмане, манафізіты Часавы пояс UTC+03:00 і EAT Тэлефонны код 11 Афіцыйны сайт cityaddisababa.gov.et/… (амх.) Адыс-Абеба на карце Эфіопіі

Медыяфайлы на Вікісховішчы

Адыс-Абеба

Панарама Адыс-Абебы

Ады́с-Абе́ба (амх.: አዲስ አበባ) — горад у Эфіопіі, сталіца краіны і Афрыканскага саюза. З насельніцтвам 3 627 934 жыхароў (на 2009 г.) з'яўляецца буйнейшым у свеце горадам, які знаходзіцца ў краіне, якая не мае выхаду да мора. Мае статус асобнага рэгіёна Эфіопіі. Заснаваны ў 1886 годзе імператарам Менелікам II па просьбе яго жонкі — імператрыцы Таіту.

Адыс-Абебу часта называюць «сталіцай Афрыкі» або «Парыжам Афрыкі» ў сувязі з яго гістарычным, палітычным і дыпламатычным значэннем для кантынента.

Адыс-Абеба — гэта адна з самых высакагорных сталіц у свеце. Самы ніжні пункт горада — 2326 м, размешчаны на поўдні горада, дзе знаходзіцца аэрапорт Боле. Самы высокі пункт — гара Энтота з вышынёй 3000 м, знаходзіцца на поўначы горада.

Дэмаграфія

Дынаміка росту колькасці насельініцтва Адыс-Абебы:

• 1900 — 80 000 жыхароў
• 1958 — 400 000 жыхароў
• 1968 — 664 000 жыхароў
• 2002 — 1 700 000 жыхароў
• 2008 — 3 384 569 жыхароў

Урад

З 2003 года да мая 2005 года мэрам горада быў Аркэбэ Акубай. 31 мая 2005 года ён быў названы «Афрыканскім мэрам 2005». Тады ж ён перадаў паўнамоцтвы новаму мэру — Берхану Нега. Сёння мэрам горада з'яўляецца Берхану Дэрэса.

Адукацыя

Універсітэт Адыс-Абебы быў заснаваны ў 1950 годзе і першапачаткова меў назву «Універсітэцкі каледж Адыс-Абебы». У 1962 годзе ён быў перайменаваны ва Універсітэт Адыс-Абебы. Тут знаходзяцца 6 універсітэцкіх гарадкоў і 1 кампус знаходзіцца ў горадзе Дэбрэ-Зэйт. Таксама ў шматлікіх гарадах Эфіопіі размешчаны філіялы гэтага ўніверсітэта.

У Адыс-Абебе знаходзіцца Інстытут эфіопскіх даследаванняў і этнаграфічны музей. Таксама ёсць мноства прыватных каледжаў.

Выбітныя гараджане

• Лія Кебедэ — фотамадэль, актрыса

Гарады-пабрацімы

• Нетанія, Ізраіль
• Тэль-Авіў, Ізраіль
• Пекін, Кітай
• Чунцін, Кітай
• Яганэсбург, ПАР
• Лейпцыг, Германія
• Чхунчхон, Паўднёвая Карэя
• Сан-Францыска, ЗША