Алесь Каско

Алесь Каско
Асабістыя звесткі
Дата нараджэння	10 снежня 1951(1951-12-10)
Месца нараджэння	Чудзін, Чудзінскі сельсавет, БССР, СССР
Дата смерці	26 лістапада 2017(2017-11-26) (65 гадоў)
Грамадзянства	Беларусь
Альма-матар	філалагічны факультэт БрДУ імя А. С. Пушкіна[d] (1976)
Месца працы	Сельская праўда[d] Брэсцкая абласная студыя тэлебачання[d]
Прафесійная дзейнасць
Род дзейнасці	паэт
Мова твораў	беларуская
Грамадская дзейнасць
Член у	Саюз беларускіх пісьменнікаў
Прэміі	Літаратурная прэмія імя Аркадзя Куляшова (1995) Мядовая прэмія (2001) Літаратурная прэмія імя Уладзіміра Калесніка (2008)

Алесь Каско, поўнае імя Аляксандр Канстанцінавіч Каско (10 снежня 1951, в. Чудзін — 26 лістапада 2017) — беларускі паэт.

Біяграфія

Нарадзіўся ў сялянскай сям'і. Школьныя гады жыцця правёў у сярэдняй школе №3 горада Ганцавічы (Брэсцкая вобласць, Ганцавіцкі раён). У 1968 годзе паступіў на беларускае аддзяленне філалагічнага факультэта Брэсцкага педагагічнага інстытута імя А. С. Пушкіна. На пачатку 1971 года перапыніў вучобу. Выкладаў рускую мову і літаратуру ў Рагазнянскай сярэдняй школе Брэсцкага раёна, беларускую мову і літаратуру ў Чудзінскай сярэдняй школе. Служыў у Савецкай Арміі (1971—1973). Зноў працаваў у Чудзінскай сярэдняй школе і працягваў вучобу завочна. У 1974 перавёўся на стацыянарнае аддзяленне Брэсцкага педінстытута (скончыў у 1976). У 1976—1984 карэспандэнт жабінкаўскай раённай газеты «Сельская праўда». 3 1984 рэдактар на Брэсцкай абласной студыі тэлебачання. Член Саюза беларускіх пісьменнікаў (1984). Адказны сакратар Брэсцкага абласнога аддзялення Саюза пісьменнікаў.

Творчасць

Літаратурнай працай займаўся з 1968 года. Дэбютаваў вершамі ў рэспубліканскім друку ў 1970 (газета «Чырвоная змена»). Аўтар кніг паэзіі «Вестка» (калектыўны зборнік «Нашчадкі», 1979), «Скразная лінія» (1982), «Набліжэнне» (1989), «Час прысутнасці» (1994), зборніка выбранай паэзіі (1997), «Сорак пяць» (1997).

Прызнанне

• Лаўрэат літаратурнай прэміі імя Аркадзя Куляшова (1995) за кнігу «Час прысутнасці»,
• Лаўрэат Мядовай літаратурнай прэміі (2001).
• Лаўрэат Літаратурнай прэміі імя Уладзіміра Калесніка (2008) за паэтычны зборнік «Трохперсце».

Памяць

• Віртуальная выстаўка на сайце Ганцавіцкага раённага краязнаўчага музея.
• У аграгарадку Чудзін усталявана мемарыяльная дошка на доме, у якім вырас і жыў паэт.

Літаратура

• Каско Алесь // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — 22 000 экз. — ISBN 5-340-00709-X.
• Каско Алесь // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.