Алесь Пальчэўскі

Алесь Пальчэўскі
Алесь Пальчэўскі
Асабістыя звесткі
Дата нараджэння	16 студзеня 1905
Месца нараджэння	Прусінава, Мінскі павет, Мінская губерня, Расійская імперыя;
Дата смерці	26 красавіка 1979 (74 гады)
Пахаванне	Прусінава;
Жонка	Тамара Рыгораўна Цулукідзэ
Альма-матар	БДУ;
Месца працы	Пухавіцкая сярэдняя школа; Бярозка; Беларусь; Вясёлка;
Прафесійная дзейнасць
Род дзейнасці	пісьменнік
Мова твораў	беларуская
Грамадская дзейнасць
Член у	Саюз беларускіх пісьменнікаў;

Алесь (Аляксандр Восіпавіч) Пальчэўскі (16 студзеня 1905, в. Прусінава, Уздзенскі раён, Мінская вобласць — 26 красавіка 1979) — беларускі пісьменнік.

Біяграфічныя звесткі[правіць | правіць зыходнік]

Скончыў БДУ (1931). Працаваў у часопісе «Іскры Ільіча». У 1936 г. быў рэпрэсіраваны. Пакаранне адбываў у Ніжагародскай вобласці. У 1946-48 гг. настаўнічаў на Міншчыне. У 1949 быў зноў незаконна асуджаны і высланы ў Краснаярскі край. Там ён пазнаёміўся з рэпрэсаванай грузінскай артысткай Тамарай Цулукідзэ.

Рэабілітаваны ў 1954 г. 3 1955 г. пасяліўся ў Мінску. У 1955-57 гг. працаваў рэдактарам мастацкай літаратуры ў Дзяржвыдавецтве БССР. З 1957 г. — літсупрацоўнік, у 1961-71 гг. — адказны сакратар часопіса «Вясёлка». Член СП Беларусі з 1956 г.

Пахаваны ў в. Прусінава.

Творчасць[правіць | правіць зыходнік]

Друкаваўся з 1924 г.

Зборнікі апавяданняў:

«Родныя берагі» (1958),
«Разбітае люстэрка» (1965),
«Былі ў маці сыны» (1968),

Зборнікі аповесцей і апавяданняў:

«Жнівеньская раніца» (1963),
«Запознены пасаг» (1973),
«Ноч на вахце» (1979).

Кнігі для дзяцей (п’есы і апавяданні):

«Беражанкі» (1958),
«Аля і Галя» (1961),
«Дым над лесам» (1964),
«Таемная крушня» (1969),
«Аднавокі сом» (1974).

Аповесці для дзяцей:

«Ты не адзін» (1959),
«Данеўцы — нашы знаёмыя» (1965),
«Тайна аднаго звяна» (1970),
«Сцежкі» (1976).

Асноўныя рысы яго творчасці: улюбёнасць у родны край, добрае веданне псіхалогіі селяніна, сялянскага побыту, жыцця дзяцей і юнацтва.

Перакладаў на беларускую мову творы рускіх, украінскіх і грузінскіх пісьменнікаў.

Бібліяграфія[правіць | правіць зыходнік]

Выбр. творы. Т. 1—2. Мн., 1975;
Выбр. творы. Т. 1—2. Мн., 1980.

Зноскі

Літаратура[правіць | правіць зыходнік]

Грахоўскі С. Чаго не паспеў сказаць // Маладосць. 1980. № 1;
Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 2 / Укладальнік Л. У. Маракоў. — Смаленск, 2003.;
Цулукідзе Т. Памяць // Маладосць. 1985. № 1.