Альберт Шпеер

Альберт Шпеер
ням.: Albert Speer
Шпеер на Нюрнбергскім працэсе
Міністр узбраенняў і ваеннай прамысловасці Трэцяга рэйха 8 лютага 1942 — 23 мая 1945
Папярэднік	Фрыц Тот (як рэйхсміністр узбраення і боепрыпасаў)
Пераемнік	пасада скасавана
Нараджэнне	19 сакавіка 1905(1905-03-19) Мангейм, Германская імперыя
Смерць	1 верасня 1981(1981-09-01) (76 гадоў) Лондан, графства Вялікі Лондан, Вялікі Лондан, Англія, Вялікабрытанія
Месца пахавання	Бергфрыдгоф[d]
Імя пры нараджэнні	ням.: Berthold Konrad Hermann Albert Speer
Бацька	Albert Friedrich Speer[d]
Жонка	Маргарэт Вебер
Дзеці	шасцёра
Партыя	НСДАП
Член у	Штурмавыя атрады СС
Адукацыя	Берлінскі тэхнічны ўніверсітэт Мюнхенскі тэхнічны ўніверсітэт Тэхналагічны інстытут Карлсруэ Helmholtz-Gymnasium Heidelberg[d]
Прафесія	архітэктар
Дзейнасць	палітык, архітэктар
Аўтограф
Род войскаў	СС
Узнагароды
Медыяфайлы на Вікісховішчы

Альберт Шпеер (19 сакавіка 1905, Мангейм — 1 верасня 1981, Лондан) — адзін з вядучых архітэктараў у нацыянал-сацыялістычнай Германіі.

Альберт Шпеер нарадзіўся ў сям’і заможных гараджан (бюргераў) у горадзе Мангейме. Яго бацька і дзед былі архітэктарамі. Спачатку Шпеер вучыўся ў гімназіі Лесінга ў Мангейме, потым паступіў на навучанне ва Універсітэт Карлсруэ, з вясны 1924 да лета 1925 навучаўся ў Тэхнічным універсітэце Мюнхена. Восенню 1925 ён пераехаў у Тэхнічны ўніверсітэт Берлін-Шарлоттэнбург і безпаспяхова спрабаваў паступіць на семінар Ханса Польцыга. З 1926 Шпеер становіцца студэнтам у архітэктара Генрыха Тэсэнава, піша дыпломную працу ў 1927, пасля чаго становіцца ассістэнтам Тэсэнава.

У 1930 па даручэнні галавы нацыстскага кіраўніцітва па Заходнім Берліне Карла Ганке як члену NSKK, маладому архітэктару Шпееру даручана рэканструкцыя вілы ў Берлін-Груневальдзе — штаб-кватэры раённай арганізацыі NSDAP. У 1932 Альберт Шпеер пакінуў Берлін і накіраваўся назад у Мангейм. Ён пасяліўся там як архітэктар, але не атрымліваў заказаў.

Альберт Шпеер

Пасля наведвання палітычнага мітынга ў Берліне, дзе Адольф Гітлер выступаў у якасці аратара, у Шпеера абудзілася сімпатыя да ідэалогіі нацыянал-сацыялістаў. 1 сакавіка 1931 Шпеер далучыўся да партыі нацыстаў. У 1932 Шпеер займаўся нязначнымі перабудоукамі партыйных будынкаў NSDAP. Пасля таго, як нацысты захапілі ўладу ў Германіі ў 1933, Гітлер асабіста пазнаёміўся з Шпеерам, быў вельмі задаволены его архітэктурным талентам і Шпеер з гэтага чаго ўвайшоў у кола найбольш набліжаных да Гітлера асоб. У 1934 памёр Пауль Людвіг Троост — былы «надворны» прыватны архітэктар Гітлера, у сувязі з чым Шпеер стаў прыватным архітэктарам Гітлера.

З 1937 ён быў Генеральным інспектарам па будаўніцтву новай сталіцы Германскай імперыі — горада «Германіа» і планаваў шматлікія манументальныя будынкі, якія павінны былі пазней сцвярджаць моц і веліч Трэцяга рэйху. У 1942 Шпеер быў прызначаны Адольфам Гітлерам на пасаду рэйхсміністра ўзбраенняў і баепрыпасаў, на гэтай пасадзе Шпеер быў адказны за арганізацыю ўсёй ваеннай экономікі Германскага рэйха.

Шпеер быў адным з 24 падсудных перад Міжнародным ваеным трыбуналам на Нюрнбергскім працэсе, асуджаны 1 кастрычніка 1946; прызнаў сябе вінаватым па двух з чатырох абвінавачванняў, у выніку чаго быў асуджаны на 20 год абмежавання свабоды.

Спасылкі

• Speer und er на IMDB
• Біяграфія на сайце Нямецкага гістарычнага музея (ням.)