Альянта Умала

Альянта Умала Ollanta Humala
48-ы Прэзідэнт Перу
з 28 ліпеня 2011
Віцэ-прэзідэнт:	Марысоль Эспіноса Крус
Папярэднік:	Алан Гарсія
Партыя:	Перуанская нацыяналістычная партыя
Нараджэнне:	26 чэрвеня 1962(1962-06-26) (50 гадоў) Ліма
Ваенная служба
Званне:	падпалкоўнік
Бітвы:	Вайна Альта-Сенепа; вайна з Сендэра луміноса
Аўтограф:

Альянта Мойсэс Умала Таса (ісп.: Ollanta Moisés Humala Tasso; нар. 26 чэрвеня 1962) — перуанскі вайсковец і палітык, прэзідэнт Перу з 28 ліпеня 2011 года.

Нарадзіўся ў сям'і ідэолага індзейскага нацыяналізму Ісака Умалы. Атрымаў вайсковую адукацыю, удзельнічаў у вайсковым канфлікце супраць камуністычнай мааісцкай арганізацыі Sendero Luminoso і вайне супраць Эквадора (1995 год). У 2000 годзе узначаліў паўстанне супраць аўтарытарнага прэзідэнта Альберта Фухіморы, якое было хутка падаўлена, а Умала быў накіраваны вайсковым аташэ ў Францыю і Паўднёвую Карэю. У 2005 годзе яго брат Антаўра ўзначаліў яшчэ адно няўдалае паўстанне ў Андаўайласе, пасля чаго Альянта канчаткова звольніўся з вайсковай службы ў званні падпалкоўніка. У кастрычніку 2005 года Умала стварыў Перуанскую нацыяналістычную партыю, праграма якой — сінтэз ідэй сацыяльнай справядлівасці, індзейскага нацыяналізму і лацінаамерыканскай інтэграцыі. У 2006 годзе ўдзельнічаў у прэзідэнцкіх выбарах, але набравў 45,5% галасоў і саступіў Алану Гарсіі ў другім туры. На прэзідэнцкіх выбарах 2011 года атрымаў 31,76% галасоў у першым туры і 51,54% — у другім.

Паміж выбарамі 2006 і 2011 Умала адыйшоў ад радыкальных поглядаў да памяркоўных, ад падтрымкі Уга Чавеса да яго крытыкі, ад патрабаванняў шырокай нацыяналізацыі да абяцанняў спрыянню ліберальнай мадэлі эканомікі.

Спасылкі

• Алексей Чернышев. Президентские выборы в Перу: второй тур пройдет без центристов (руск.) 
• Нил Никандров. “Воин, который видит всё вокруг себя” (руск.) 

Спасылкі

Відэа цырымоніі інаўгурацыі Альянта Умалы