Аляксандр Аляксандравіч Касцючэнка

Аляксандр Аляксандравіч Касцючэнка
Дата нараджэння	1958
Дата смерці	26 жніўня 2019(2019-08-26)
Месца смерці	Мінск, Беларусь
Грамадзянства	СССР
Род дзейнасці	мастак
Месца працы	Нацыянальны акадэмічны драматычны тэатр імя Максіма Горкага Нацыянальны акадэмічны Вялікі тэатр оперы і балета Рэспублікі Беларусь
Жанр	сцэнаграфія
Вучоба	Беларускі дзяржаўны тэатральна-мастацкі інстытут (1988) Акадэмія кіравання пры Прэзідэнце Рэспублікі Беларусь
Вядомыя працы	дэкарацыі да спектакляў «Аіда», «Набука», «Папялушка», «Сем прыгажунь», «Сівая легенда», «Здурнелы Журдэн»
Уплыў	Яўген Рыгоравіч Чамадураў
Прэміі
Узнагароды

Аляксандр Аляксандравіч Касцючэнка (1958 — 26 жніўня 2019, Мінск) — беларускі мастак-пастаноўшчык, сцэнограф, галоўны мастак Нацыянальнага акадэмічнага Вялікага тэатра оперы і балета Рэспублікі Беларусь.

Біяграфія

З дзяцінства займаўся ў студыі выяўленчага мастацтва, потым у мастацкай школе. Скончыў у 1988 годзе Беларускі дзяржаўны тэатральна-мастацкі інстытут. У 1998—2000 — слухач Акадэміі кіравання пры Прэзідэнце Рэспублікі Беларусь (кваліфікацыя «Менеджар-эканаміст»). У 2001—2008 — у Нацыянальным акадэмічным драматычным тэатры імя М. Горкага (галоўны мастак), з 2009 года — галоўны мастак Нацыянальнага акадэмічнага Вялікага тэатра оперы і балета.

Пастаянны ўдзельнік і прызёр усесаюзных і рэспубліканскіх выстаў, член Беларускага саюза мастакоў (2000).

Творчасць

У Вялікім тэатры оперы і балета стварыў сцэнаграфію каля 15 — ці оперных і балетных спектакляў. Сярод іх:

Балеты

• «Колазварот» А. Залятнёва
• «Папялушка» С. Пракоф’ева
• «Трыстан і Ізольда» Р. Вагнера
• «Зала чакання» А. Хадоскі
• «Метамарфозы» І. С. Баха
• «Анастасія» В. Кузняцова

Оперы

• «Царская нявеста» М. Рымскага-Корсакава
• «Набука» Дж. Вердзі
• «Макбет» Дж. Вердзі
• «Тоска» Дж. Пучыні
• «Сельскі гонар» П. Масканьі
• «Фаўст» А. Г. Радзівіла
• «Севільскі цырульнік» Дж. Расіні
• «Сівая легенда» Дм. Смольскага
• «Віні-Пух» В. Пятровай
• «Сем прыгажунь» К. Караева.

У 2011 годзе ажыццявіў рэканструкцыю сцэнаграфіі выдатнага беларускага мастака Яўгена Чамадурава ў новай пастаноўцы оперы «Аіда».

Апошняй працай мастака стаў балет па матывах рамана Льва Талстога — «Ганна Карэніна» (прэм’ера ў лістападзе 2019).

Таксама афармляў спектаклі для Нацыянальнага акадэмічнага тэатра імя Янкі Купалы, Нацыянальнага акадэмічнага драматычнага тэатра імя Якуба Коласа, Беларускага дзяржаўнага маладзёжнага тэатра. Супрацоўнічаў з многімі вядомымі рэжысёрамі, у прыватнасці з Мадэстам Абрамавым, Віталінам Баркоўскім, Аляксандрам Гарцуевым, Валянцінай Ераньковай, Вітасам Грыгалюнасам, Міхаілам Краснабаевым, Барысам Луцэнкам і інш.

Усяго ў Беларусі і блізкім замежжы аформіў больш за 50 спектакляў.

Спасылкі

• Конкурс сцэнаграфіі імя І. М. Ушакова — 2014 Архівавана 5 сакавіка 2016.
• Главный художник Большого театра Александр Костюченко: «Первое, что я делаю на сцене — чувствую ее спиной при абсолютно пустом зале» (руск.)
• СБ: Смена декораций (руск.)