Аляксандр Анатолевіч Данілаў

Аляксандр Данілаў
Агульная інфармацыя
Поўнае імя	Аляксандр Анатолевіч Данілаў
Нарадзіўся	10 верасня 1980(1980-09-10) (43 гады) Гомель, Гомельская вобласць, БССР, СССР
Грамадзянства	Беларусь
Рост	178 см
Вага	70 кг
Пазіцыя	абаронца, паўабаронца
Клубная кар’ера
1998—2004 Гомель 68 (4) 1998—2000 →  Гомель-2 50 (4) 2001 →  ЗЛіН (Гомель) 27 (2) 2005—2007 Металіст (Харкаў) 83 (3) 2008—2009 Металург (Данецк) 9 (0) 2009—2011 Арсенал (Кіеў) 31 (0) 2011 Гомель 6 (0) 2012—2013 Дынама (Мінск) 48 (2) 2015 Гомель 24 (0) 2017 Бабітэ 7 (0)

Аляксандр Данілаў (нар. 10 верасня 1980, Гомель) — былы беларускі футбаліст, абаронца. Гуляў таксама часам у якасці паўабаронцы.

Клубная кар’ера

Гуляў за «Гомель», а ў 2005 годзе перайшоў у харкаўскі «Металіст», пазней гуляў за ўкраінскія «Металург» і «Арсенал». Увосень 2011 года вярнуўся ў Гомель, а ў сакавіку наступнага года падпісаў кантракт з мінскім «Дынама».

У мінскім клубе трывала з’яўляўся ў асноўным складзе. Часам гуляў як левы абаронца, але часцей выкарыстоўваўся на фланзе паўабаронцы. У маі 2013 года атрымаў траўму, вярнуўся ў асноўны склад у ліпені 2013 года. У студзені 2014 года пакінуў мінскі клуб па заканчэнні кантракта.

У 2014 годзе заставаўся без клуба, жыў разам з сям’ёй у Кіеве. У лютым 2015 года прыбыў на прагляд у «Гомель», і ў сакавіку падпісаў кантракт з гэтым клубам. У «Гомелі» стаў адным з лідараў каманды, выступаў на пазіцыі левага абаронцы. Па выніках сезону 2015 «Гомель» пакінуў Вышэйшую лігу, і Данілаў прыняў рашэнне аб завяршэнні кар’еры.

У пачатку 2017 года аднавіў кар’еру ў складзе латвійскага клуба «Бабітэ». Аднак, улетку «Бабітэ» быў выключаны з чэмпіянату.

Дасягненні

• 01 Чэмпіён Беларусі: 2003
• 03 Бронзавы прызёр чэмпіянату Беларусі (3): 2011, 2012, 2013
• Уладальнік Кубка Беларусі: 2002
• 03 Бронзавы прызёр чэмпіянату Украіны: 2006/07

Спасылкі

• Профіль на афіцыйным сайце мінскага «Дынама»