Аляксандр I, кароль Грэцыі

З пляцоўкі Вікіпедыя
Перайсці да: рух, знайсці
Аляксандр I
Αλέξανδρος Α΄
Аляксандр I
сцяг
4-і Кароль Грэцыі
сцяг
11 чэрвеня 1917 — 25 кастрычніка 1920
Папярэднік: Канстанцін I
Пераемнік: Канстанцін I
 
Нараджэнне: 1 жніўня 1893(1893-08-01)
Афіны, Грэцыя
Смерць: 25 кастрычніка 1920(1920-10-25) (27 гадоў)
Афіны, Грэцыя
Дынастыя: Глюксбургі
Бацька: Канстанцін I
Маці: Сафія Пруская
Жонка: Аспазія Манас
 
Узнагароды:
Кавалер Вялікага крыжа ордэна Збавіцеля Order of the Golden Fleece Rib.gif Вышэйшы ордэн Святога Дабравешчання
Кавалер Вялікага крыжа Савойскага ваеннага ордэна (1815—1947)
Кавалер Вялікага крыжа ордэна Святых Маўрыкія і Лазара
Кавалер Вялікага крыжа ордэна Георга I

Аляксандр I (грэч. Αλέξανδρος Α της Ελλάδας; 1 жніўня 1893, Афіны - 25 кастрычніка 1920, Афіны) — кароль Грэцыі з 1917 па 1920 год. Сын Канстанціна I і Сафіі Гогенцолерн.

Аляксандр стаў каралём, калі яго бацька быў вымушаны пад ціскам саюзнікаў пакінуць трон у чэрвені 1917 года. Канстанцін I, зяць кайзера Вільгельма II, займаў германафільскую пазіцыю, ён выехаў з Грэцыі разам са старэйшым сынам Георгам, пакінуўшы на троне другога сына - Аляксандра. Новы кароль не меў рэальнай улады, бо палітыкай займаўся прэм'ер-міністр Элефтэрыёс Венізелас. Аляксандр большай часткай падарожнічаў па месцах ваенных дзеянняў, падтрымліваючы баявы дух салдат.

У лістапада 1919 года кароль таемна абвянчаўся з Аспасіяй Манас (1896-1972), дачкой палкоўніка Петраса Манаса. Выхадка караля выклікала вялікі скандал, у рэшце рэшт Аспасія прыбыла ў Афіны, дзе іх шлюб быў афіцыйна прызнаны, але каралевай яна не стала, атрымаўшы толькі тытул прынцэсы. У 1921 годзе, ужо пасля смерці Аляксандра, Аспасія нарадзіла дачку Аляксандру (1921-1993), будучую жонку сербскага караля Пятра II.

Пасля падпісання ў 1920 годзе Сеўрскага мірнага дагавора Грэцыя атрымала значную частку тэрыторыі Турцыі. Аляксандр стаў каралём павялічанай Грэцыі.

2 кастрычніка 1920 года, падчас прагулкі ў каралеўскім садзе Татой, Аляксандр быў укушаны малпай. Праз тры тыдні, 25 кастрычніка ён памёр ад сепсісу.

Літаратура[правіць | правіць зыходнік]

  • John Van der Kiste, Kings of the Hellenes: The Greek Kings. 1863-1974. Sutton Publishing. 1994.



Папярэднік:
Канстанцін I
Кароль Грэцыі
19171921
Пераемнік:
Канстанцін I