Аліенора Аквітанская
З пляцоўкі Вікіпедыя.
Аліенора (Элеанора, Альенора) Аквітанская (фр. Aliénor d'Aquitaine, а таксама фр. Éléonore de Guyenne, каля 1122 - 31 сакавіка 1204, Фантэўро) — герцагіня Аквітаніі і Гасконі (1137-1204), унучка першага трубадура Праванса Гільёма IX Аквітанскага, графіня дэ Пуацье (1137-1204), каралева Францыі (1137-1152), жонка французскага караля Людовіка VII, каралева Англіі (1154-1189), адна з найбагацейшых і найбольш уплывовых жанчын Еўропы Высокага сярэднявечча. Жанчына дзіўнай прыгажосці, Аліенора была музай французскага паэта-трубадура Бернарда дэ Вентадорна, ёй ён прысвяціў шэраг сваіх кансон.
