Алімпійскі гімн — музычны твор (кантата), напісаны грэчаскім кампазітарам Спірасам Самарасам. Словы гімна напісаў Косціс Паламас.
Алімпійскі гімн упершыню прагучаў на цырымоніі адкрыцця I Алімпійскіх гульняў 1896 года. У наступныя гады, ажно да Алімпійскіх зімовых гульняў 1956 года, краіна-арганізатар гульняў даручала сваім музыкам напісаць новы гімн для Алімпіяды. З 1960 года зноў быў вернуты Алімпійскі гімн Самараса, які ў асноўным выконваўся на афіцыйнай мове краіны, дзе праводзіліся гульні.
