Анакрэонт
| Анакрэонт | |
|---|---|
| стар.-грэч.: Ἀνακρέων | |
 Анакрэонт (Мармур, Луўр) | |
| Асабістыя звесткі | |
| Дата нараджэння | каля 570 да н.э.[1] |
| Месца нараджэння | |
| Дата смерці | каля 485 да н.э.[1] |
| Месца смерці | |
| Прафесійная дзейнасць | |
| Род дзейнасці | паэт, пісьменнік, эпіграматыст, гафмейстэр |
| Жанр | Манадычная лірыка |
| Мова твораў | старажытнагрэчаская мова |
 Медыяфайлы на Вікісховішчы | |
Анакрэонт з вострава Тэас (Анакрэон, стар.-грэч.: Ἀνακρέων, 570/559 — 485/478 да н.э.) — старажытнагрэчаскі лірычны паэт. Быў уключаны ў кананічны спіс Дзевяці лірыкаў вучонымі эліністычнай Александрыі.
Біяграфія і творчасць[правіць | правіць зыходнік]
Паходзіў з вострава Тэас (Малая Азія). Жыў на востраве Самасе, потым у Афінах. Ствараў гімны, элегіі, эпіграмы, бяседныя песні. Вершы пісаў на іанійскім дыялекце старажытнагрэчаскай мовы.
Адзін з першых лірыкаў Грэцыі. Пясняр любові, весялосці і сяброўскіх баляванняў (вершы на гэтыя тэмы пазней атрымалі назву анакрэантычных). Яго вершы радасныя, вясёлыя, жыццесцвярджальныя. Праўда, ён актыўна цікавіўся і палітыкай, а калі расчараваўся ў ёй, то шукаў забыццё ў каханні і сяброўстве. Паэзія Архілоха вызначаецца вытанчанасцю апрацоўкі, таму шматлікія пазнейшыя паэты, зачараваныя яго стылем, пісалі ў той самай манеры, імкнучыся да прыгажосці формы.
Да творчасці Анакрэонта часта звяртаўся М. Багдановіч.
Зноскі
- ↑ а б в г Roux P. d. Nouveau Dictionnaire des œuvres de tous les temps et tous les pays — 2 — Éditions Robert Laffont, 1994. — Vol. 1. — P. 85. — ISBN 978-2-221-06888-5
Беларускія пераклады[правіць | правіць зыходнік]
- Песні і фрагменты. Пер. Л. Баршчэўскага. (Серыя «Паэты планеты»), 2019.
Літаратура[правіць | правіць зыходнік]
- Шамякіна Т. Антычная літаратура // Міфалогія і беларуская літаратура: нарысы і эсэ / Таццяна Шамякіна. — Мінск: Маст. літ., 2008. — С. 213—242. ISBN 978-985-02-0925-2.
