Андрус Кубілюс

З Вікіпедыі, свабоднай энцыклапедыі
Андрус Кубілюс
літ.: Andrius Kubilius
28-ы Прэм'ер-міністр Літвы
3 лістапада 1999 — 9 лістапада 2000
Папярэднік Ірэна Дэгутэнэ
Пераемнік Раландас Паксас
30-ы Прэм'ер-міністр Літвы
27 лістапада 2008 — 22 лістапада 2012
Папярэднік Гядзімінас Кіркілас
Пераемнік Альгірдас Буткявічус

Нараджэнне 8 снежня 1956(1956-12-08)[1][2] (67 гадоў)
Бацька Вітаўтас Кубілюс[d]
Маці Яніна Жэкайтэ[d]
Жонка Раса Кубілене
Дзеці Вітас Кубілюс, Андрус Кубілюс
Нацыянальнасць Сцяг Літвы летувіс
Веравызнанне Каталіцкая Царква
Партыя Саюз Бацькаўшчыны
Адукацыя
Прафесія фізік
Дзейнасць палітык, фізік
Узнагароды
Кавалер Вялікага крыжа ордэна Заслуг
Кавалер Вялікага крыжа ордэна Заслуг
Сайт kubilius.lt (літ.)
Лагатып Вікісховішча Медыяфайлы на Вікісховішчы

А́ндрус Ку́білюс (літ.: Andrius Kubilius; 8 снежня 1956 года ў Вільні) — літоўскі палітык, дзеяч апазіцыі, прэм’ер-міністр Літвы з 1999 да 2000 года і з 2008 да 2012 года.

Біяграфія[правіць | правіць зыходнік]

Бацька — літаратуразнаўца, Вітаўт Кубілюс, маці — літаратуразнаўца Яніна Жакайтэ. Андрус вучыўся ў 22 віленскай сярэдняй школе з 1963 да 1974 года. У 1979 годзе скончыў фізічны факультэт Віленскага ўніверсітэта. З 1981 да 1984 года вучыўся ў аспірантуры. З 1984 да 1990 працаваў у Віленскім універсітэце ў якасці лябаранта, інжынера і навуковага супрацоўніка.

З 1988 года Кубілюс прыняў удзел у дзейнасці Саюдзіса, дзе ў 19901992 гадах выконваў функцыі сакратара. У 1992 годзе быў абраны ў Сойм. З 1993 года стаў сябрам партыі Саюз Айчыны. У 19961999 гадах быў першым віцэ-спікерам парламенту, а ў 1997—1999 гадах кіраваў Камісіяй па еўрапейскіх справах. З 3 лістапада 1999 да 26 кастрычніка 2000 года выконваў абавязкі прэм’ер-міністра Літвы. У 2000—2003 гадах быў першым намеснікам кіраўніка партыі Вітаўта Ландсбергіса, а потым заняў яго месца.

У выбарчы тэрмін 2000—2004 гадоў быў лідарам апазіцыйнай фракцыі кансерватараў. У наступным Сойме (з 2004 года) выконваў функцыі кіраўніка фракцыі Звязу Бацікаўшчыны (2004—2005), кіраўніка Камісіі па еўрапейскіх справах (з 2006 года), а з 10 кастрычніка 2006 года стаў віцэ-спікерам Сойму. У парламенцкіх выбарах 2008 года чарговы раз атрымаў дэпутацкі мандат. На наступны дзень пасля выбараў (27 кастрычніка 2008 года) ад імя Звязу Бацькаўшчыны падпісаў пагадненне з некалькімі партыямі аб стварэнні кааліцыйнага ўрада. 20 лістапада прэзідэнт Літвы падпісаў загад аб прадстаўленні на разгляд Сойму кандыдатуры Андруса Кубілюса на пасаду прэм’ер-міністра. 27 лістапада 2008 года Сойм зацвердзіў яго кандыдатуру.

Жонка — Раса Кубілене — віяланчалістка ў Нацыянальным Сімфанічным аркестры Літвы. Мае двух сыноў.

Зноскі

  1. Andrius Kubilius // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag Праверана 9 кастрычніка 2017.
  2. Andrius Kubilius // Munzinger Personen Праверана 9 кастрычніка 2017.

Спасылкі[правіць | правіць зыходнік]