Антоній Сялява

З пляцоўкі Вікіпедыя
Перайсці да: рух, знайсці
Анто́ній Сяля́ва
Анто́ній Сяля́ва
Мітрапаліт Кіеўскі, Галіцкі і ўсяе Русі
Царква: Грэка-каталіцкая
Пераемнік: Гаўрыіл Календа
 
Імя пры нараджэнні: Анаста́сій Сяля́ва
Нараджэнне: 1583(1583)
Полацкае ваяводства
Смерць: 1655(1655)

Анто́ній Сяля́ва (свецкае імя Анастасій; каля 1583, Полацкае ваяводства1655) — уніяцкі царкоўны дзеяч Рэчы Паспалітай, пісьменнік-палеміст.

3 1612 член ордэна базыльян, у 1617 пасвячоны ў святары. Скончыў Грэчаскі калегіум у Рыме (1622). 3 1622 архімандрыт уніяцкіх манастыроў: у Вільні Св. Тройцы, Нава́градку, Жыдзічыне. 3 1624 архіепіскап полацкі, з 1639 генеральны вікарый Кіеўскай мітраполіі. У 1641—55 мітрапаліт кіеўскі і галіцкі, адначасова з 1652 генерал (протаархімандрыт) базыльянскага ордэна.

У 1630—40-я г. ўдзельнічаў у падрыхтоўцы агульнага сабора ўніятаў і праваслаўных з мэтай аб'яднання на падставе стварэння Кіеўскага патрыярхата і прызнання вяршэнства Папы. Клапаціўся пра адукацыю святароў, умацаванне манастырскага жыцця, адкрыў семінарыю пры Мінскім базыльянскім манастыры (1652). Папулярызаваў культ І. Кунцэвіча. Аўтар «Антыэленхуса» (1622) — адказу на «Эленхус» М. Сматрыцкага (1622) і жыццяпісу І. Кунцэвіча (1625).

Літаратура[правіць | правіць зыходнік]

  • Казуля С. Сялява // БЭ ў 18 т. Т. 15. Мн., 2002.