Апалінарый Міхайлавіч Васняцоў

Апалінарый Міхайлавіч Васняцоў
руск.: Аполлинарий Васнецов
Партрэт працы Віктара Васняцова
Дата нараджэння	25 ліпеня (6 жніўня) 1856(1856-08-06)
Месца нараджэння	Рабава, Вяцкі павет[d], Вяцкая губерня, Расійская імперыя
Дата смерці	23 студзеня 1933(1933-01-23) (76 гадоў)
Месца смерці	Масква, РСФСР, СССР
Месца пахавання	Увядзенскія могілкі[d]
Грамадзянства	Расійская імперыя СССР
Дзеці	Vsevolod Vasnetsov[d]
Род дзейнасці	мастак, краязнавец
Жанр	Гістарычны жывапіс пейзаж
Вучоба	Маскоўскае вучылішча жывапісу, скульптуры і дойлідства
Вядомыя працы	Паўночны край. Сібірская рака
Уплыў на	Уладзімір Алексевіч Дзянісаў[d]
Медыяфайлы на Вікісховішчы

Спяць баярскія харомы. НММ РБ

Апалінарый Міхайлавіч Васняцоў (25 ліпеня (6 жніўня) 1856 — 23 студзеня 1933) — рускі мастак, майстар гістарычнага жывапісу, мастацтвазнавец, брат Віктара Васняцова.

Член Таварыства перасоўнікаў (з 1899), адзін з арганізатараў «Саюза рускіх мастакоў» (1903). З 1900 года — акадэмік Пецярбургскай АМ. Аўтар эпічных пейзажаў («Радзіма», 1886; «Тайга на Урале. Сіняя гара», 1891; «Кама», 1895, — усе ў Траццякоўскай галерэі). З 1890-х гадоў звярнуўся да гістарычнага пейзажу і стварыў шэраг архітэктурных пейзажаў старажытнай Масквы, якія спалучаюць археалагічную дакладнасць з паэтычнасцю («Вуліца ў Кітай-горадзе. Пачатак XVII стагоддзя», 1900, Рускі музей; «Чырвоная плошча ў 2-й палове XVII стагоддзя», 1925, Музей гісторыі і рэканструкцыі Масквы). Выканаў эскізы да тэатральных пастановак («Хаваншчына» Мадэста Мусаргскага, 1897, у Маскоўскай прыватнай рускай оперы С. І. Мамантава; «Казанне аб нябачным горадзе Кіцежы…» Мікалая Рымскага-Корсакава, 1907, у Марыінскім тэатры).

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• На Вікісховішчы ёсць медыяфайлы па тэме Апалінарый Міхайлавіч Васняцоў
• Апалінарый Васняцоў, персанальны сайт
• Васняцоў Апалінарый Міхайлавіч. Біяграфія і творчасць мастака на Artonline.ru Архівавана 6 лістапада 2007.