Аперацыя «Абдуманая сіла»
| Аперацыя «Абдуманая сіла» | |||||||||
|---|---|---|---|---|---|---|---|---|---|
| Баснійская вайна | |||||||||
 Знішчальнік-бамбавік F-16 узлятае з італьянскай базы Авіяна падчас аперацыі «Абдуманая сіла» |
|||||||||
|
|||||||||
| Cупраціўнікі | |||||||||
 НАТА |
 Рэспубліка Сербская |
||||||||
| Камандуючыя | |||||||||
| Вілі Клаас Лейтан Уорэн Сміт |
Ратка Младзіч |
||||||||
| Сілы бакоў | |||||||||
| ~400 самалётаў 5 тыс. вайскоўцаў |
80 тыс. салдат | ||||||||
| Ваенныя страты | |||||||||
| 1 самалёт збіты 2 палонных |
|||||||||
«Абдуманая сіла» (англ.: Operation Deliberate Force) — кодавая назва паветраных бамбаванняў авіяцыяй НАТА пазіцый баснійскіх сербаў падчас Баснійскай вайны у 1995 г.
Перадумовы [правіць]
З 1994 г. НАТА распачала шэраг абмежаваных узброеных акцый супраць баснійскіх сербаў, якія ўдзельнічалі ў грамадзянскай вайне ў Босніі. Аднак нерашучасць кіраўніцтва Альянсу прыводзіла да мінімальных вынікаў гэтых адзінкавых авіяўдараў. Пасля таго, як міратворчы кантынгент ААН, атрымаўшы толькі сімвалічную падтрымку авіяцыі Альянсу, не змог прадухіліць узяцце сербамі мусульманскага анклава Срэбраніца у ліпні 1995, быў распрацаваны план буйнай паветранай наступальнай аперацыі, накіраванай на падрыў ваеннага патэнцыялу сербскага боку.
Вынікі і значэнне [правіць]
Аперацыя «Абдуманая сіла» была першай буйнамаштабнай ваеннай акцыяй у гісторыі НАТА. Акрамя таго, падчас гэтых бамбаванняў самалёты ВПС Германіі здзейснілі першыя баявыя вылеты пасля 1945 года. Характэрнай рысай аперацыі было шырокае выкарыстанне высокадакладных авіяцыйных боепрыпасаў (дзве траціны ўсіх скінутых бомбаў мелі лазернае навядзенне).
За два тыдня было здзейснена 3500 самалёта-вылетаў і скінута каля 1000 авіябомбаў. Адзначана абмежаванае ўжывання крылатых ракет марскога базавання «Tomahawk» (выпушчана 13 ракет). Страты склалі адзін самалёт: «Mirage 2000» ВПС Францыі быў збіты ў першы дзень налётаў, яго экіпаж катапультаваўся і патрапіў у палон да сербаў.
Лічыцца, што аперацыя «Абдуманая сіла» згуляла галоўную ролю ў ліквідацыі ваеннай перавагі сербаў у Босніі і прымусіла іх кіраўніцтва далучыцца да мірных перамоў, якія завяршыліся падпісаннем Дэйтанскіх дамоў у снежні 1995 г..
Спасылкі [правіць]
