Артаксеркс I Лангіман
| Артаксеркс I стар.-перс. Artaxšacā, стар.-грэч. Ἀρταξέρξης Μακρόχειρ, лац.: Artaxerxes Longimanus |
|||
 |
|||
|
|||
|---|---|---|---|
| 465 — 424 да н.э. | |||
| Папярэднік: | Ксеркс I | ||
| Пераемнік: | Ксеркс II | ||
| Веравызнанне: | Зараастрызм | ||
| Смерць: | 424 да н.э. | ||
| Род: | Ахеменіды | ||
| Бацька: | Ксеркс I | ||
| Маці: | Аместрыда | ||
| Жонка: | Дамаспія | ||
| Дзеці: | сыны: Ксеркс II, Сагдыян і Дарый II дочкі: Парысаціда |
||
Артаксеркс I «Лангіман», «Даўгарукі» (? — 424 да н.э.) — цар персідскі, сын Ксеркса I. У 455 да н.э. вёў вайну супраць Егіпта. Флот Артаксеркса быў пераможаны афінскімі марскімі сіламі ў бітве пры Саламіне на Кіпры (449 да н.э.) У 448 да н.э. заключыў з грэкамі г.зв. Каліеў мір.
Грэкі называлі яго Макрахейр - «Даўгарукім», з-за таго, што правая рука ў яго была даўжэйшая за левую.
Уступіў на трон пасля таго, калі ў жніўні 465 года да н. э., у выніку прыдворнай змовы, якую ўзначальваў начальнік палацавай варты Артабан і еўнух Аспамітра, былі забітыя яго бацька і старэйшы брат Дарый. Праз некалькі месяцаў Артаксеркс ліквідаваў Артабана і Аспамітру, забіўшы іх у палацавай сутычцы. У 464 года да н. э. брат Артаксеркса, сатрап Бактрыі Гістаспа падняў паўстанне супраць яго, але быў пераможаны ў двух бітвах і забіты. Асцерагаючыся палацавага перавароту, Артаксеркс загадаў перабіць усіх астатніх сваіх братоў.
