Аршанскі інструментальны завод
| Аршанскі інструментальны завод | |
|---|---|
| Тып | Адкрытае акцыянернае таварыства |
| Заснаванне | 1971 |
| Размяшчэнне |
 211392, Беларусь, Віцебская вобласць, г. Орша, вул. Міру, 39А |
| Ключавыя постаці | Кірыл Уладзіміравіч Птушка |
| Галіна | Машынабудаванне |
| Прадукцыя | інструмент для металаапрацоўчых станкоў і цэнтраў |
| Колькасць супрацоўнікаў | звыш 300 чал. |
| Матчына кампанія | МТЗ-Холдынг |
| Сайт | orshiz.by |
Аршанскі інструментальны завод — прадпрыемства, заснаванае ў Оршы ў 1971—1973 гг. як завод па вытворчасці нармалізаванага інструмента для аўтаматычных ліній. З 1974 г. сучасная назва. З 2004 г. Рэспубліканскае унітарнае прадпрыемства. Дырэктар — Кірыл Уладзіміравіч Птушка.
19 лютага 2019 года ААТ «АІЗ» уключаны ў склад удзельнікаў холдынгу «МТЗ-Холдынг».
Выпускае інструмент: металарэзны — разцы такарныя і разцовыя ўстаўкі са зменнымі шматграннымі пласцінамі, спіральныя і кальцавыя свердзелы, канцавыя, шпоначныя і дыскавыя фрэзы; высокадакладны дапаможны інструмент для фрэзерных і такарных станкоў і інш. На прадпрыемстве наладжана вытворчасць медыцынскага інструмента, запчастак для сельскагаспадарчай тэхнікі і выпуск іншай прадукцыі.
Аршанскі інструментальны завод займае адно з кіроўных месцаў як у Рэспубліцы Беларусь, так і ў СНД па вытворчасці дапаможнага і заціскнога інструменту.
Экспарт прадукцыі ідзе ў Расію, Украіну, краіны Балтыі.
За выдатны імідж прадпрыемства і высокую якасць прадукцыі РУП «Аршанскі інструментальны завод» узнагароджаны ў 1992 годзе ганаровым прызам «Залатая Арка Еўропы».
Згодна з пастановай Савета Міністраў Рэспублікі Беларусь ад 14 жніўня 2021 года, заводу было выдаткавана 10 млн беларускіх рублёў на рэалізацыю праекта «Арганізацыя вытворчасці сучасных металарэзных і дапаможных прылад з укараненнем інавацыйных тэхналагічных працэсаў»[1]
Дырэктары[правіць | правіць зыходнік]
- ? — ? — Віталь Вячаслававіч Манкевіч
- Са жніўня 2017 года — ? — Уладзіслаў Генадзевіч Бардзюкоў
Зноскі
- ↑ Оршанский инструментальный завод получит Br10 млн из республиканского инновационного фонда (руск.). БелТА (17 жніўня 2021). Праверана 17 жніўня 2021.
Літаратура[правіць | правіць зыходнік]
- Оршанский инструментальный завод // Республика Беларусь : энциклопедия : в 6 т. / редкол.: Г. П. Пашков [и др.]. — Мн., 2007. — Т. 5. — С. 613.
- Аршанскі інструментальны завод. Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).