Асер

Асер
	Герб
Краіна	Францыя
Рэгіён	Бургундыя — Франш-Кантэ
Дэпартамент	Ёна
Каардынаты	47°47′54″ пн. ш. 3°34′04″ у. д.HGЯO
Мэр	Гі Ферэ
Плошча	49,95 км²
Вышыня цэнтра	102 м
Водныя аб’екты	Ёна
Насельніцтва	37790 чалавек (1999)
Шчыльнасць	757 чал./км²
Агламерацыя	85085 чалавек
Часавы пояс	UTC+1, летам UTC+2
Паштовыя індэксы	89000
Code INSEE	89204
Афіцыйны сайт	auxerre.com (фр.)
	Медыяфайлы на Вікісховішчы

Асер (фр.: Auxerre) — горад у Францыі, размяшчаецца ў дэпартаменце Ёна ў рэгіёне Бургундыя — Франш-Кантэ на рацэ Ёна.

Гісторыя[правіць | правіць зыходнік]

Назва Асера паходзіць ад лацінскага Autissiodurum. Ён быў значным цэнтрам і ў гальскія, і ў рымскія часы. Біскуп Герман Асерскі ў V стагоддзі заклаў саборную царкву, існы будынак якой будавалася з XI па XVI стагоддзі, пераважна ў гатычным стылі. Яна знакамітая сваімі вітражамі XIII стагоддзя. Паралельна за саборам ішло будаўніцтва і царквы Св. Еўсевія. Епіскапская пахавальня размешчана ў крыпце царквы Сен-Жэрмен IX стагоддзя, у ёй таксама спачываюць святыя мошчы біскупа Аарона Асерскага.

У раннім Сярэднявеччы горад быў цэнтрам аднайменнай епархіі. Біскупы Асера валодалі функцыямі графа і біскупа адначасова. Пры гэтым біскупы давалі ф’ефы сеньёра, беручы з іх даніну. У VIII-IX стагоддзі было створана графства Асер. У XI стагоддзі яно апынулася аб’яднана з графствамі Невер і Танер. Аб’яднанне захоўвалася да другой паловы XIII стагоддзя.

У 1273 годзе графства пасродкам шлюбу перайшло пад кіраванне Жана I дэ Шалон, сеньёра дэ Рашфор, які стаў родапачынальнікам дома Шалон-Асера. У 1370 годзе Жан IV дэ Шалон-Асер прадаў графства Асера каралю Францыі за 31 000 ліўраў. Канчатковае далучэнне Асера да Францыі адбылося толькі ў 1490 годзе.