Атол Дзюсі

З пляцоўкі Вікіпедыя.
Перайсці да: рух, знайсці
Дзюсі
Ducie
Ducie Atoll Map.jpg
Каардынаты: Каардынаты: 24°41′00″ пд. ш. 124°47′00″ з. д. / 24.683333° пд. ш. 124.783333° з. д. (G) (O) (Я)24°41′00″ пд. ш. 124°47′00″ з. д. / 24.683333° пд. ш. 124.783333° з. д. (G) (O) (Я)
Архіпелаг Астравы Піткэрн
Акваторыя Ціхі акіян
Краіна Flag of the United Kingdom.svg Вялікабрытанія
АА першага ўзроўня Брытанскія заморскія тэрыторыі
Дзюсі (Ціхі акіян)
Дзюсі
Дзюсі
Няма старонкі Шаблон:На карце/Вялікабрытанія Брытанскія заморскія тэрыторыі
Плошча 0,7 км²
Найвышэйшы пункт 4,6 м
Выгляд з космасу
Commons-logo.svgДзюсі на Вікісховішчы 

Дзю́сі (англ. Ducie) - атол на поўдні Ціхага акіяна. Уваходзіць у склад брытанскай заморскай тэрыторыі астравы Піткэрн. Плошча сушы - 0,7 км².

Прырода і геаграфія[правіць | правіць зыходнік]

Атол знаходзіцца ў 470 км ад вострава Піткэрн, складаецца з 4 каралавых астраўкоў - Акадыя, Пандора, Вествард і Эдвардс. Найбуйнейшы з іх - Акадыя (каля 55 га). Найвышэйшы пункт знаходзіцца на востраве Вествард (4,6 м). Агульная плошча сушы - 0,7 км².

У цэнтры атола месціцца лагуна глыбінёй да 16 м.

Сталых вадацёкаў і крыніц пітной вады на паверхні астравоў няма.

Расліннасць бедная, прадстаўлена хмызнякамі і рэдкімі гаямі дрэва Heliotropium foertherianum. Каралы ў лагуне мёртвыя. Як мяркуюць, пад час штармоў адбыўся прыток халоднай вады, якая іх загубіла.

Клімат трапічны пасатны, даволі вільготны. Сезонная розніца тэмператур не перавышае 7° C.

На астравах гняздуюцца птушкі, у тым ліку каля 70% усіх экзэмпляраў буравеснікападобнай птушкі Pterodroma ultima. У хмызняках жывуць яшчаркі - белапузыя сцынкі. Адзіны сысун - палінезійскі пацук, аднак яго пагалоўе было амаль цалкам знішчана ў мэтах аховы птушак.

Лагуну насяляе 138 відаў рыб. Астравы таксама наведваюць марскія чарапахі.

Гісторыя[правіць | правіць зыходнік]

Атол Дзюсі быў адкрыты 26 студзеня 1606 г. іспанскім мараплаўцам П. Ф. дэ Кірасам. 16 сакавіка 1791 г. паўторна адкрыты брытанцам Эдвардам Эдвардсам, які на судне "Пандора" безвынікова шукаў паўстанцаў з "Баўнці" (гл. астравы Піткэрн).

У 1867 г. амерыканскі ўрад рэкамендаваў сваім грамадзянам браць атол ў валоданне для здабычы гуана. Але ў 1893 г. ён быў анэксаваны Вялікабрытаніяй.

Дзюсі шмат разоў наведваўся маракамі і вучонымі, аднак застаўся бязлюдным. У 1961 г. было рэкамендавана зрабіць яго "востравам для навукі", а пазней - надаць статус Рамсарскага ўгоддзя (гл. Рамсарская канвенцыя).

Галерэя[правіць | правіць зыходнік]

Спасылкі[правіць | правіць зыходнік]