Аўстрыйская нацыянальная бібліятэка

З пляцоўкі Вікіпедыя.
Перайсці да: рух, знайсці
Аўстрыйская нацыянальная бібліятэка
Будынак бібліятэкі ў палацы Хофбург
Будынак бібліятэкі ў палацы Хофбург
Месцазнаходжанне

Flag of Austria.svg Аўстрыя, Вена

Збор
Памер збору

7 905 150 адзінак[1]

Доступ і карыстанне
Выдача штогод

532 770 дакументаў[1]

Абслугоўванне

263 080 наведвальнікаў у год[1]

Іншая інфармацыя
Бюджэт

22 383 212 €[1]

Супрацоўнікі

313[1]

Вэб-сайт

http://www.onb.ac.at/

Аўстрыйская нацыянальная бібліятэка (ням.: Österreichische Nationalbibliothek) — найбуйнейшая бібліятэка ў Аўстрыі. Размешчана ў палацы Хофбург, Вена.

Гісторыя[правіць | правіць зыходнік]

Аўстрыйская нацыянальная бібліятэка бярэ свой пачатак з сярэднявечнай імператарскай бібліятэкі. Герцаг Альбрэхт III (1349-1395) пачаў збіраць кнігі, а таксама арганізаваў пераклады шматлікіх твораў з лацінскай мовы на нямецкую. Усё гэта ён захоўваў у капліцы Хофбурга. імператар Фрыдрых III (1415-1493) дапоўніў калекцыю, папрывозячы ў сталіцу некаторыя каштоўныя кнігі. Пасля яго вялікі ўклад у развіццё бібліятэкі зрабіў імператар Максіміліян I (1459-1519), які стаў уладальнікам пасагу, у ліку якога былі кнігі з Бургундыі, якія ён перавёз у Хофбург. Другая жонка імператара Б'янка Марыя Сфорца ў якасці пасагу прывезла кнігі з Італіі.

Пасля смерці Максіміліяна кнігі захоўваліся ў Інсбруку. Тым часам бібліятэка папоўнілася навуковымі працамі аўстрыйскіх вучоных, глобусамі, картамі і атласамі, а фонды значна павялічаны, дзякуючы ахвяраванням з асабістых калекцый багатых грамадзян. Да 1575 года калекцыя ўжо налічвала 9 тыс. экзэмпляраў, і для даглядання за ёй быў наняты першы бібліятэкар.

З 1624 года па распараджэнні Фердынанда II дзяржаўная казна стала рэгулярна вылучаць сродкі на пашырэнне бібліятэкі.

Інтэр'еры бібліятэкі

У 1722 годзе Карл VI загадаў пабудаваць асобны будынак у Хофбургу для імператарскай бібліятэкі. Калекцыя працягвала пашырацца — прынц Яўгеній Савойскі арганізаваў збор сродкаў, дзякуючы якім атрымалася набыць каля 15 тыс. тамоў у Францыі і Італіі. У гэта ж час была арганізавана картатэка.

Пасля абвяшчэння Аўстрыйскай Рэспублікі ў 1920 годзе, бібліятэка была пераназвана ў Аўстрыйскую нацыянальную бібліятэку.

Калекцыі[правіць | правіць зыходнік]

Аўстрыйская нацыянальная бібліятэка размяшчаецца ў памяшканнях палаца Хофбург, былой рэзідэнцыі імператарскай сям'і Габсбургаў. Тут захоўваюцца экзэмпляры ўсіх аўстрыйскіх выданняў, працы аўстрыйскіх аўтараў, выдадзеных за мяжой, а таксама творы пра Аўстрыю. У калекцыях захоўваецца больш 7,5 млн. экзэмпляраў кніг, 180 тыс. папірусаў, найстаражытнейшы з якіх датаваны XV-м стагоддзем да нашай эры. Акрамя таго, тут знаходзяцца рукапісы, старадаўнія і рэдкія кнігі (напрыклад, Венскі Генезіс 6-га стагоддзя), карты, глобусы, карціны, фатаграфіі, аўтографы, плакаты, партытуры вядомых кампазітараў, такіх як Брукнер і Штраўс.

Таксама бібліятэка вядомая тым, што тут захоўваецца каля 8 тыс. інкунабул.

Зноскі[правіць | правіць зыходнік]

  1. 1,0 1,1 1,2 1,3 1,4 Österreichische Nationalbibliothek - Statistical Data (англ.)  (2008-12-31). Праверана 28 ліпеня 2010.

Літаратура[правіць | правіць зыходнік]

  • ням.: Gabriele Mauthe et Christian Gastgeber, Die Direktion der Hofbibliothek zur Jahrhundertwende. Josef Ritter von Karabacek, Direktor der k.k. Hofbibliothek in Wien (1899-1917), catalogue de l’exposition de Papyrusmuseum, Böhlau, Vienne, 1999, 120 p. ISBN 3-01-000022-7
  • ням.: Murray G. Hall et Christina Köstner, »… allerlei für die Nationalbibliothek zu ergattern …«: Eine österreichische Institution in der NS-Zeit, Böhlau, Vienne, 2006, 617 p. ISBN 3-205-77504-X

Спасылкі[правіць | правіць зыходнік]

Каардынаты: 48°12′22″ пн. ш. 16°21′59″ у. д. / 48.206111° пн. ш. 16.366389° у. д. (G) (O) (Я)