Бабуган-яйла
| Бабуган-яйла | |
|---|---|
 | |
 Медыяфайлы на Вікісховішчы |
Бабуган-яйла (укр.: Бабуган-яйла, крымскатат.: Babuğan yayla, Бабугъан яйла) — самы высокі масіў (яйла) Крымскіх гор[1]. Адміністрацыйна амаль увесь масіў размешчаны ў Алуштынскім рэгіёне Крыма, а невялікая частка на захадзе, якая ўключае і вяршыню Раман-Кош, у Ялцінскім рэгіёне.
Назва[правіць | правіць зыходнік]
Назва Бабуган (Babuğan) у перакладзе з крымскататарскай мовы азначае «ваўчыная ягада».
Рэльеф[правіць | правіць зыходнік]
Бабуган-яйла з'яўляецца часткай Галоўнай грады Крымскіх гор. Найвышэйшы пункт Бабуган-яйлы — гара Раман-Кош (1545 м) з'яўляецца адначасова і самым высокім пунктам Крыма. Іншая вяршыня, якая перавышае 1500 м — гара Зейцін-Кош (1537 м).
Прырода[правіць | правіць зыходнік]
Плоская платопадобная паверхня яйлы складзеная вапнякамі і кангламератамі. На яйле бярэ пачатак рака Улу-Узень, на паўночных схілах пры зліцці рэчак Сарыс і Бабуганка ўтвараецца Альма.
Горная частка Бабуган-яйлы — лугавыя стэпы, у т.л. разнатраўна-тыпчаковыя, злакава-разнатраўныя і петрафітныя. На схілах — лясы (бук, хвоя, граб). На вышыні каля 1250 м — унікальны гай бярозы бародаўчатай.
Большую частку яйлы займае Крымскі прыродны запаведнік.
Зноскі[правіць | правіць зыходнік]
Літаратура[правіць | правіць зыходнік]
- Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).
Слоўнікі і энцыклапедыі |
|---|
