Базіліка Максенцыя
Базіліка Максенцыя і Канстанціна — самы вялікі будынак, калі-небудзь пабудаваны на Рымскім форуме. Закладзена ў 308 годзе імператарам Максенцыям, а скончана яго пераемнікам — Канстанцінам у 312 годзе.
Базіліка была ўзведзена на месцы складоў для спецый (лац.: horrea piperataria). Нават па старажытнарымскіх мерках, будынак базілікі быў грандыёзны — плошча нефа перавышала 4000 кв. м., вышыня скляпенняў складала 39 метраў. Унутры сцены базілікі былі ўпрыгожаны мармуровымі плітамі, пол пакрыты каляровым мармурам. Архітэктурным прыкладам для будаўніцтва паслужылі тэрмы Каракалы і Дыяклетыяна. У заходняй апсідзе базілікі была ўстаноўлена каласальная статуя Канстанціна.
У базіліцы Канстанціна не толькі ўшаноўвалі багоў, але і назначалі дзелавыя сустрэчы; тутака ж засядаў гарадскі савет, а падчас Алімпійскіх гульняў 1960 года пад старажытнымі скляпеннямі праходзілі спаборніцтвы па грэка-рымскай барацьбе.
Гл. таксама [правіць]
Спасылкі [правіць]
На ВікіСховішчы ёсць медыяфайлы па тэме Базіліка Максенцыя
| Forvm Romanvm — Рымскі Форум | ||
|---|---|---|
| Храмы | Храм Сатурна • Храм Дыяскураў • Храм Весты • Храм Венеры і Ромы • Храм Антаніна і Фаўсціны • Храм Цэзара • Храм Веспасіяна • Храм Канкордыі |
 |
| Трыумфальныя аркі | Арка Ціта • Арка Септымія Севера • Арка Канстанціна • Арка Тыберыя | |
| Збудаванні | Базіліка Максенція і Канстанціна • Базіліка Юлія • Базіліка Эмілія • Umbilicus urbis • Рэгія • Ростра • Курыя Юлія • Табуларый • Milliarium Aureum • Lapis Niger • Возера Курцыя • Дом весталак • Via Sacra • Мамертынская турма • Калона Фокі • Вялікая Клаака | |
