Бакары Санья

Бакары Санья
Агульная інфармацыя
Поўнае імя	Бакары Санья
Нарадзіўся	14 лютага 1983 Санс, Францыя
Грамадзянства	Францыя
Рост	178 см.
Пазіцыя	Абаронца
Інфармацыя пра клуб
Клуб	Арсенал
Нумар	3
Кар'ера
Моладзевыя клубы
2002—2004	Осер
Клубная кар'ера*
2004—2007	Осер	87, 0
2007—	Арсенал	23 (0)
Нацыянальная зборная**
2007—	Францыя	2 (0)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана па стане на 2 лютага 2008. ** Колькасць гульняў і галоў за нацыянальную зборную ў афіцыйных матчах, адкарэктавана па стане на 25 студзеня 2008.

Бакары Санья (фр.: Bacary Sagna; 14 лютага 1983, Санс) — французскі футбаліст. Цяпер выступае за лонданскі «Арсенал» і носіць тамака футболку пад нумарам 3. На дадзены момант ён з’яўляецца асноўным правым абаронцам у клубе.

Клубная кар’ера

«Осер»

Бакары Санья згуляў за «Осер» 87 матчаў у чэмпіянаце Францыі і быў уключаны ў склад, які выйграў Кубак Францыі ў 2005 годзе. Таксама ён гуляў у Кубку УЕФА ў кожным з трох сезонаў, калі ён быў футбалістам асноўнага складу. Бакары згуляў 17 матчаў у гэтым турніры. Таксама ён быў уключаны ў сімвалічную зборную чэмпіянату Францыі як правы абаронца.

«Арсенал»

12 ліпеня 2007 г. Бакары Санья перайшоў з «Осера» у лонданскі «Арсенал». Яму далі футболку пад нумарам 3, якую да яго насіў Эшлі Коўл, які цяпер гуляе за лонданскі «Чэлсі». 19 ліпеня ён дэбютаваў за новы клуб у таварыскім матчы супраць турэцкага футбольнага клуба «Генчлербірлігі», якую «Арсенал» упэўнена выйграў 3-0. У Прэм'ер-лізе Санья зайграў з 1-га тура ў матчы супраць «Фулхэма» («Арсенал» перамог 2-1). Санья ў большасці выпадкаў гуляе правага абаронцу, хоць ён таксама можа згуляць і ў цэнтры, і на левым флангу, і нават у паўабароне. Са сваім прыходам, ён зрушыў свайго новага аднаклубніка Эбуэ на ролю правага паўабаронцы.

3 лютага 2008 г. Бакары Санья стаў аўтарам галявой перадачы на Эмануэля Адэбаёра ў гульні супраць «Манчэстэр Сіці», якога «Арсенал» выйграў 3-1.

23 сакавіка 2008 г. Бакары забіў свой першы гол у складзе «кананіраў». Пасля падачы вуглавога ён відушча прабіў галавой у вароты лонданскага «Чэлсі». Аднак гэты гол не выратаваў «Арсенал» ад паразы з лікам 1-2.