Баклажан

? Баклажан
Навуковая класіфікацыя
Царства:	Расліны
Аддзел:	Пакрытанасенныя
Клас:	Двухдольныя
Парадак:	Паслёнакветныя
Сямейства:	Паслёнавыя
Род:	Паслён
Від:	Баклажан
Навуковая назва
Solanum melongena L.
Сістэматыка на ВікіВідах Выявы ў ВікіСховішчы ITIS   30554 NCBI   4081

Баклажан — шматгадовая агароднінная расліна сямейства паслёнавых.

Дзікарослы баклажан вядомы ў Індыі, дзе ўведзены ў культуру да нашай эры. У Еўропе разводзілі пераважна як лекавую расліну, з XVIII ст. спажываюць у ежу. Вырошчваюць у тропіках і субтропіках; на Беларусі найбольш у паўднёвых раёнах Брэсцкай і Гомельскай абласцей.

Вышыня да 1 м. Лісце простае, авальнае, зялёнае з фіялетавым адценнем. Кветкі фіялетавыя, пазушныя, адзіночныя або ў гронках. Плады — ягады, грушападобныя, круглыя або цыліндрычныя, фіялетавыя, жоўтыя з карычнввымі палосамі, зялёныя, белыя; маюць цукры, бялкі, дубільныя рэчывы, вітаміны C, B₁, PP.

Цепла- і вільгацелюбівая расліна. У культуры аднагадовая, вырошчваецца расадай. У адкрыты грунт высаджваюць у канцы мая — пачатку чэрвеня.

Літаратура

• Энцыклапедыя сельскага гаспадара. - Мн.: БелЭн, 1993.