Бахайскі заліў

З пляцоўкі Вікіпедыя
Перайсці да: рух, знайсці
Бахайскае мора і яго тры залівы

Баха́йскі заліў (Бахайва́нь, кіт. трад. 渤海灣, спр. 渤海湾 , піньінь: Bóhăiwān) — заліў у паўночна-заходняй частцы Жоўтага мора ля берагоў Кітая даўжынёй каля 280 км з глыбінямі да 40 м. Ад адкрытага мора аддзелены Шаньдунскім паўвостравам (паўвостравам Шаньдун) з поўдня і Ляадунскім паўвостравам з усходу. Замярзае ўзімку ў прыбярэжнай частцы. У Бахайскі заліў упадаюць рэкі Хуанхэ, Хайхэ і Ляахэ. Характарызуецца паўсутачнымі прылівамі да 3,5 м.

У кітайскай (і, часта, міжнароднай) тэрміналогіі ўвесь Бахайскі заліў (у нашым разуменні) называецца проста «Бахай» (гэта значыць «мора Бо», «Бахайскае мора»); яго заходні ўскраек, які ўразаецца ў сушу да Цяньцзіня, завецца Бахайскім залівам (渤海湾, Бахайвань); паўночная частка, у якую ўпадае Ляахэ - Ляадунскім залівам (Ляадун-вань), а паўднёвая, ля берагоў Шаньдунскага паўвострава — залівам Лайчжоу (莱州湾, Лайчжоу-вань).

У акваторыі заліва вядзецца прамысловае рыбалоўства. На шэльфе выяўлены радовішчы нафты, у прыватнасці — радовішча Луда і група радовішчаў Бачжун.

Гарады на заліве[правіць | правіць зыходнік]

Гара-востраў Біцзяшань (акруга Цзіньчжоу), у паўночнай частцы Ляадунскага заліва.

На ўзбярэжжа заліва размешчаны порт Тангу, які з'яўляецца аванпортам горада Цяньцзіня. На заліве ж стаіць і курортны горад Ціньхуандаа.

Гл. таксама[правіць | правіць зыходнік]

Спасылкі[правіць | правіць зыходнік]


Шаблон:Залівы Кітая