Белавія

Белавія
ІАТА B2 ІКАА BRU Пазыўны Belarus Avia
Дата заснавання	1996
Порт прыпіскі	Нацыянальны аэрапорт Мінск
Альянс	Няма
Памер флота	17 + 3 замоўлены
Колькасць пунктаў прызначэння	39
Уладальнік	Дзяржава
Штаб-кватэра	Мінск
Сайт: http://www.belavia.by

Белавія — нацыянальная авіякампанія Беларусі. Асноўныя рэйсавыя і чартэрныя міжнародныя палёты ажыццяўляе з Нацыянальнага аэрапорта Мінск. Аэрапорт аснашчаны дасканалымі сістэмамі пасадкі і сертыфікаваны па II катэгорыі ІКАО, мае надзейную інжынерна-тэхнічную базу і сучасны аэравакзальнага комплекс з усімі відамі паслуг для пасажыраў. Таксама авіякампаніяй для вылету з Мінска выкарыстоўваецца аэрапорт Мінск-1.

Кампанія мае 17 прадстаўніцтваў у краінах блізкага і далёкага замежжа, з'яўляецца членам міжнароднай арганізацыі авіяперавозчыкаў - IATA. У апошнія гады колькасць перавезеных пасажыраў пастаянна расце, і ў 2010 склала 968.000 пасажыраў, што на 29,4% больш, чым у папярэднім годзе.

Гісторыя

Першы беларускі паветраны тэрмінал быў адкрыты ў Мінску 7 лістапада 1933 г. Наступнай вясной у Мінску прызямліліся 3 самалёта Па-2 - першынцы беларускага паветранага флоту. У 1936 пачаў ажыццяўляцца першы рэгулярны рэйс у Маскву. Улетку 1940 заснавана Беларускае аб'яднанне грамадзянскай авіяцыі.

У 1964 беларускую рэгістрацыю атрымаў першы самалёт Ту-124, у 1973 - Ту-134. Першыя лайнеры Ту-154 з'явіліся ў Беларусі ў 1983.

1 лютага 1985 г недалёка ад аэрапорта Мінск-2 пацярпеў крушэнне самалёт Ту-134. Загінула па меншай меры 58 чалавек з 80, якія знаходзіліся на борце. Катастрофа адбылася адразу пасля ўзлёту з-за траплення лёду з крыла самалёта ў рухавікі з наступным іх разбурэннем, што з'явілася вынікам памылак у перадпалётным абслугоўванні лайнера.

Нацыянальная авіякампанія «Белавія» была ўтворана 5 сакавіка 1996 года на базе Беларускага аб'яднання грамадзянскай авіяцыі, які меў 60-гадовы досвед пасажырскіх і грузавых авіяперавозак. У цяперашні час яна валодае значным паркам паветраных судоў, высокакваліфікаванымі спецыялістамі і добра засвоенымі шматлікімі паветранымі трасамі. У 1998 «Белавія» атрымала па лізінгу «ТУ-154М» (аб'ём здзелкі склаў каля 6 млн. долараў ЗША) і аб'ядналася з авіякампаніяй «Мінскавія», у выніку чаго яе флот папоўніўся некалькімі Ан-24, Ан-26 і Як -40.

У міжнародных перавозках «Белавія» супрацоўнічае з такімі вядомымі авіякампаніямі як расійская «Аэрафлот», а таксама замежныя «Aer Lingus», «LOT», «Lufthansa», «Austrian Airlines» і іншыя, з якімі заключаны пагадненні аб камерцыйным супрацоўніцтве.

Днём нараджэння Нацыянальнай авіякампаніі "Белавія" афіцыйна лічыцца 5 сакавіка 1996 года, але так як ўтворана яна была на базе Беларускага аб'яднання грамадзянскай авіяцыі, то гісторыя пачынаецца з 1993 года.

Спасылкі

• Белавія
• "Белавія" афіцыйна пачала прадаваць квіткі online
• Табло вылету / прылёту
• З Мінска ў Крым пачнуць лётаць самалёты
• фатаграфіі самалётаў Белавіі