Беларускі талер
Нейтральнасць пад пытаннемБеларускі талер — назва, якая прапаноўвалася некаторымі грамадскімі дзеячамі Беларусі ў пачатку 1990-х гадоў як назва беларускай грашовай адзінкі.
У цяперашні час у апазіцыйнай прэсе фігуруе вялікая колькасць легенд, якія абвяшчаюць, што было прынята рашэнне аб уводзінах талера, што банкноты былі таксама аддрукаваныя і ўвезеныя ў Беларусь[1][2]. Характэрнай рысай гэтых публікацый з'яўляецца адсутнасць спасылак як на афіцыйных (або якіх былі такімі ў разгледжваемы перыяд) асоб, якія бы пацвердзілі падобныя чуткі, так і на іншыя незалежныя крыніцы.
У той жа час Станіслаў Багданкевіч, які быў у 1991—1995 гадах старшынём праўлення Нацыянальнага банка краіны, адмаўляе ўсе падобныя сцвярджэнні. Па яго словах, пытанне аб увядзенні беларускай валюты разглядалася прэзідыўмам Вярхоўнага Савета Беларусі 12-га склікання, пры гэтым назву «талер» падтрымаў толькі адзін чалавек, і было прынята рашэнне назваць валюту «беларускі рубель»[3]. Гэтае рашэнне зацвердзіў Вярхоўны Савет.
Паводле словаў Багданкевіча, талер ніколі не друкаваўся, і ўсе падобныя сцвярджэнні не больш, чым легенда[4][5]. У той жа час, у Германіі ў 1994 году былі надрукаваныя новыя банкноты беларускіх рублёў, якія ў будучыні так і не былі ўведзеныя ў абарот[6]. Напэўна, частка журналістаў лічыць менавіта гэтыя банкноты «надрукаванымі талерамі». Не пацвярджае гісторыі аб якіх-небудзь афіцыйных спробах увесці беларускі талер або аб яго друкаванні і ўвозе ў Беларусь і Вячаслаў Кебіч, які быў на той момант прэм'ер-міністрам Беларусі[7].
Некаторыя палітычныя партыі зараз выступаюць за пераіменаванне беларускай валюты ў талер[8].
Зноскі
- ↑ http://bdg.press.net.by/1997/97_05_15.376/walut.htm
- ↑ http://nn.by/1998/09/06.htm
- ↑ http://www.svaboda.org/forum/37250.html
- ↑ http://www.polskieradio.pl/zagranica/news/artykul90290.html
- ↑ http://www.svaboda.org/content/Article/766712.html
- ↑ http://www.charter97.org/bel/news/2007/01/17/rubl
- ↑ http://21.by/papers?id=59886
- ↑ http://www.ucpb.org/rus/documents/bankcode/4.shtml
[правіць] Літаратура
- С. Квяткоўскi. ДЗЯРЖАЎНЫ ЗНАК. «Наша Ніва» № 9 (106) 11 траўня 1998 г. [1]
- О.В. Парамонов. Бумажные денежные знаки, выпущенные независимыми государствами на территории бывшего СССР за период с 1991 по 1994 гг. М., 1994. [2]
