Беспамерная велічыня

З пляцоўкі Вікіпедыя.
Перайсці да: рух, знайсці

Беспамерная велічыня (велічыня з памернасцю адзінка)фізічная велічыня, у памернасць якой асноўныя фізічныя велічыні ўваходзяць у ступені, роўнай нулю[1].

Напрыклад, плоскі вугал, вызначаны як адносіны даўжыні дугі акружнасці, што знаходзіцца паміж дзвюма радыусамі, да даўжыні радыусу, у сістэме LMT з'яўляецца беспамернай велічынёй, з прычыны таго, што не залежыць ад даўжыні радыусу.

Да беспамерных велічынь адносяцца таксама ўсе адносныя велічыні: адносная шчыльнасць (шчыльнасць цела ў адносінах да шчыльнасці вады), адноснае падаўжэнне, адносныя магнітная і дыэлектрычная пранікальнасці і г.д., а таксама крытэрыі падабенства (лікі Рэйнальдса, Прантля і іншыя).

Колькасць якіх-небудзь аб'ектаў таксама з'яўляецца беспамернай велічынёй. Напрыклад, колькасць электронаў у даным атаме.

Велічыня, беспамерная ў адной сістэме фізічных велічынь, можа быць памернай у іншай сістэме. Напрыклад, электрычная пастаянная ε0 у электрастатычнай сістэме з'яўляецца беспамернай велічынёй, а ў Міжнароднай сістэме велічынь (англ.: International System of Quantities, ISQ) мае памернасць dim ε0 = L−3M−1T4I2. Велічыні, якія з'яўляюцца адносінамі дзвюх аднастайных велічынь, з'яўляюцца беспамернымі ў любой сістэме.

Адзінкамі вымярэння беспамерных велічынь з'яўляюцца лікі[1]. У некаторых выпадках такім адзінкам прысвойваюць спецыяльныя найменні, напрыклад, радыян. Адносныя велічыні выражаюцца таксама ў працэнтах і праміле, лагарыфмічныя — у дэцыбелах (dB, дБ) і неперах (Np, Нп).

Гл. таксама[правіць | правіць зыходнік]

Зноскі

  1. 1,0 1,1 Международный словарь по метрологии: основные и общие понятия и соответствующие термины = International vocabulary of metrology — Basic and general concepts and associated terms (VIM) / Пер. с англ. и фр. — 2-е изд., испр. — СПб., 2010. — 82 с. — ISBN 978-5-91259-057-3.

Літаратура[правіць | правіць зыходнік]

  • РМГ 29-99 Метрология. Основные термины и определения
  • Г. Д. Бурдун, В. А. Базакуца. Единицы физических величин — Харьков: Вища школа, 1984


Kpdf bookish.svg У гэтым артыкуле не прастаўленыя тэматычныя катэгорыі.
Вы можаце дапамагчы Вікіпедыі, стварыць або знайсці катэгорыі і дадаць іх.