Блакітніцы

З пляцоўкі Вікіпедыя.
Перайсці да: рух, знайсці
Блакітніцы
Meleageria daphinis.jpg
Блакітніца мелеагр
Навуковая класіфікацыя
Міжнародная навуковая назва

Lycaenidae Stainton, 1854

Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   117236
NCBI   27544

Блакі́тніцы (Lycaenidae) — сямейства насякомых атрада матылёў.

Налічваецца каля 1000 відаў. Вельмі пашыраны. Ва ўмераным поясе Паўночнага паўшар'я каля 500 відаў. На Беларусі каля 40 відаў, у т.л. мнагавочка шчаўевая, блакітніца ікар, блакітніца лясная, блакітніца алькон, блакітніца мелеагр, блакітніца эраідэс. Жывуць у лясах, на лугах, лясных палянах, у садах.

Дзённыя матылі. Крылы (размах 2—4 см) у самцоў зверху блакітныя (адсюль назва), сінія, зялёныя, аранжава-чырвоныя, часта з металічным бляскам, у самак бурыя, знізу шараватыя або бурыя з дробнымі вочкападобнымі плямамі. Вусікі булавападобныя. Пярэднія ногі ўкарочаныя. Вусені тоўстыя, кароткія, укрытыя валаскамі; кормяцца на шыракалістых дрэвах або кустах, травяністых раслінах (часцей грэчкавьк або бабовых). Многія віды звязаны з мурашкамі. У некаторых трапічных блакітніц вусені — драпежнікі, кормяцца тлямі, чарвяцамі, лічынкамі мурашак.

Акукліваюцца часцей у глебе або мурашніках. Зімуюць яйцы, вусені, кукалкі.

Літаратура[правіць | правіць зыходнік]

  • Блакітніцы // БЭ ў 18 т. Т. 3. Мн., 1996.