Бражнікі

З Вікіпедыі, свабоднай энцыклапедыі
Бражнікі
Навуковая класіфікацыя
Міжнародная навуковая назва

Sphingidae Latreille, 1802


Сістэматыка
на Віківідах

Выявы
на Вікісховішчы
ITIS  117293
NCBI  7128
EOL  905
FW  71815

Бражнікі (Sphingidae) — сямейства насякомых атрада матылёў.

Апісанне[правіць | правіць зыходнік]

Размах крылаў 2—20 см, пярэднія вузкія, выцягнугыя, заднія меншыя, часта з яркімі плямамі або перавязямі. Цела тоўстае, верацёнападобнае, хабаток доўгі (у некаторых трапічных відаў больш за 25 см), вусіхі тоўстыя, роўныя. Смокчуць нектар кветак, завісаючы ў паветры.

Вусені голыя, цыліндрычныя, з своеасаблівым ражком на задняй частцы брушка. Кормяцца лісцем, агаляюць парасткі. Зімуюдь у фазе кукалкі ў глебе.

Арэал[правіць | правіць зыходнік]

Адрозніваецца каля 1200 відаў. Пашыраны на ўсіх мацерыках, большасць у тропіках; на Беларусі 18 відаў, у т. л. бражнік празерпіна (Proserpinus proserpina), «мёртвая галава» (Acherontia atropos), бражнік асінавы (Laothoe amurensis). Жывуць у лясах, садах, парках, на лугах, ускраінах балот.

Спосаб жыцця[правіць | правіць зыходнік]

Большасць бражнікаў актыўныя на змярканні і ноччу. Некаторыя віды — шкоднікі раслін.

Гл. таксама[правіць | правіць зыходнік]

Літаратура[правіць | правіць зыходнік]

  • Бражнікі // БЭ ў 18 т. Т. 3. Мн., 1996.