Брачыслаў (князь полацкі)

Не блытаць з Брачыслаў Ізяславіч.

Брачыслаў
князь полацкі 1232 — 1242
Папярэднік	Святаслаў Мсціславіч
Пераемнік	Таўцівіл
Нараджэнне	невядома
Смерць	не раней за 1241
Род	Рурыкавічы
Бацька	Васілька Брачыславіч[d]
Дзеці	Аляксандра Брачыслаўна[d], Брачыслаўна Таўцівілава[d], Канстанцін, Ізяслаў Брачыславіч[d] і Васілька Брачыславіч[d]

Брачысла́ў (? — сярэдзіна ХІІІ стагоддзя) — князь віцебскі (? — 1242), князь полацкі (1232—1242). Магчыма, паходзіў з роду віцебскіх князёў Васількавічаў.

Біяграфія

Згадваецца Наўгародскім Першым летапісам. Быў віцебскім князем, у 1232 годзе заняў полацкі сталец пасля 10-гадовага смаленскага панавання.

Дачку Васілісу выдаў замуж за наўгародскага князя Аляксандра Яраславіча, вяселле адбылося ў Тарапцы ў 1239 годзе. Магчыма, тым жа часам другую дачку выдаў замуж за літоўскага князя Таўцівіла. Магчыма, яго сынам быў пазнейшы полацкі князь Канстанцін.

Літаратура

• Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 20 000 экз. — ISBN 5-85700-142-0.
• Алексеев Л. В. Полоцкая земля // Древнерусские княжества Х—XIII вв. — М., 1975.
• Загарульскі Э. М. Заходняя Русь: ІХ—ХІІІ ст. Вучэб. дапам. — Мн., 1998. — 260 с.