Бычковыя

? Бычковыя
Amblyeleotris steinitzi
Навуковая класіфікацыя
Царства:	Жывёлы
Падцарства:	Эўметазоі
Раздзел:	Білатэральныя
Падраздзел:	Другаснаротыя
Тып:	Хордавыя
Падтып:	Хрыбетныя
Надклас:	Рыбы
Клас:	Касцявыя рыбы
Падклас:	Прамянёвапёрыя
Атрад:	Акунепадобныя
Сямейства:	Бычковыя
Навуковая назва
Osteichthyes
Сістэматыка на ВікіВідах Выявы ў ВікіСховішчы ITIS   171746 NCBI   8220

Бычкі́ (Gobiidae) — сямейства рыб атрада акунепадобных.

Выдзяляецца больш за 200 родаў, каля 600 відаў; пераважна ў трапічных і субтрапічных водах усіх акіянаў. Донныя, прыбярэжнамарскія, саленаватаводныя і прэснаводныя рыбы. Найбольш вядомыя бычкі: каліфарнійскі сінепалосы, кругляк, бланкет, каспійская пугалаўка, мартавік, японскі дзявочы, травянік і інш.; на Беларусі 1 від — бычок-пясочнік.

Даўжыня 7,5 мм — 90 см. Брушныя плаўнікі зрослыя, утвараюць круглы прысосак, што дазваляе рыбам утрымлівацца пры моцных рухах вады.

Большасць бычкоў кормяцца доннымі беспазваночнымі, ёсць драпежныя і планктонаедныя віды.

Нерастуюць вясной. Ікру адкладваюць у гнёзды, якія падрыхтоўваюць самцы.

Некаторыя віды (кругляк, пясочнік, шырман і інш.) маюць прамысловае значэнне.