Білі Джын Кінг

Білі Джын Кінг
Грамадзянства	ЗША
Месца пражывання	Чыкага і Нью-Ёрк, ЗША
Дата нараджэння	22 лістапада 1943(1943-11-22) (69 гадоў)
Месца нараджэння	Лонг-Біч, ЗША
Рост	164 см
Вага	61 кг
Пачатак кар'еры	1960 (прафесіянал з 1968)
Завяршэнне кар'еры	1983
Працоўная рука	правая
Удар злева	аднаручны
Прызавыя, USD	1 966 487
Адзіночны разрад
Матчаў в/п	695—155
Тытулаў	67
Найвышэйшая пазіцыя	1
Парны разрад
Тытулаў	101
Найвышэйшая пазіцыя	1
Завяршыла выступы

Білі Джын Кінг (анг.Billie Jean King, у дзявоцтве Мофіт (анг.Moffitt), нар. 22 лістапада 1943 года, Лонг-Біч, штат Каліфорнія, ЗША) — знакамітая амерыканская тэнісістка. Выступала ў 60-80 гадах XX стагоддзя. Рэкардсменка па колькасці перамог на Уімблдонскім турніры. Актыўны змагар за раўнапраўе жанчын і мужчын у спорце.

Біяграфія

1960 - пачатак выступаў. У 1968 годзе афіцыйна становіцца прафесіяналам.

Спартсменцы не было і семнаццаці, калі яна першынствавала ў чэмпіянаце ЗША-60 на цвёрдых кортах ў парным разрадзе разам з Дарлін Хард.

У 1961 годзе яна, будучы ў складзе каманды краіны ў Кубку Уайтмана, перамагла ў двух з трох матчаў.

У 1966 годзе выйграла свой першы турнір Вялікага Шлема ў адзіночным разрадзе - Уімблдон.

У 1965 годзе спартсменка спалучалася шлюбам з Ларэнса Кінгам і вядомая свеце пад гэтым прозвішчам. У далейшым шлюб распаўся, але Білі-Джын пакінула прозвішча былога мужа.

Кінг - адна з нешматлікіх гульцоў, што выйгралі ўсе турніры Вялікага Шлема. Праўда, у розны час. На Уімблдоне і Адкрытым чэмпіянаце ЗША яна перамагала ва ўсіх трох намінацыях (у «адзіночцы», у пары і ў міксце).

У 1966, 1967, 1968, 1972 гадах была наймацнейшай тэнісісткай свету і абвяшчалася гульцом года.

На працягу ўсёй кар'еры супернічала з выбітнай тэнісісткай Маргарэт Сміт-Корт.

З'яўляецца самым узроставым прафесійным гульцом, які выйграў адзіночны турнір WTA. Выйграла турнір у Бірмінгеме ў 1983 годзе ва ўзросце 39 гадоў, 7 месяцаў, 23 дзён.

У 1983 годзе завяршыла выступленні.

У 1987 годзе прынятая ў Міжнародную залу тэніснай славы.

У 1990 годзе ўвайшла ў лік 100 самых уплывовых амерыканцаў 20-га стагоддзя. У 2009 годзе ўзнагароджана Прэзідэнцкім медалём Свабоды, вышэйшым грамадзянскім знакам адрознення ў ЗША.

Літаратура

• БЭ ў 18 тамах., Т.8. Мн., 1999, С.268

Спасылкі

• Профіль на сайце WTA