Вавёркавыя

? Вавёркавыя
Вавёрка звычайная (Sciurus vulgaris)
Навуковая класіфікацыя
Царства:	Жывёлы
Падцарства:	Эўметазоі
Падраздзел:	Другаснаротыя
Тып:	Хордавыя
Падтып:	Хрыбетныя
Клас:	Сысуны
Падклас:	Звяры
Інфраклас:	Плацэнтарныя
Атрад:	Грызуны
Падатрад:	Вавёркападобныя
Сямейства:	Вавёркавыя
Навуковая назва
Sciuridae Linnaeus
Сістэматыка на ВікіВідах Выявы ў ВікіСховішчы ITIS   180135 NCBI   55153

Вавё́ркавыя (Sciuridae) — сямейства атраду грызуноў. У сямейства ўваходзяць 48 родаў, якія аб'ядноўваюцца ў два падсямействы: вавёркі і ляцягі. Па колькасці відаў (280) вавёркавыя саступаюць толькі мышыным.

Вавёркавыя шырока распаўсюджаны па планеце: адсутнічаюць у Аўстралійскай вобласці, на Мадагаскары, у палярных абласцях, паўночна-заходняй Афрыцы і на поўдні Паўднёвай Амерыкі. Насяляюць самыя разнастайныя ландшафты: ад трапічных лясоў да арктычнай тундры, у гарах сустракаюцца да ніжняй кромкі леднікоў. Вядуць наземны ці дравесны лад жыцця.

Шэраг відаў мае прамысловае значэнні і здабываецца дзеля футра ці мяса. У сямействе ёсць шкоднікі сельскай гаспадаркі (суслікі) і пераносчыкі небяспечных захворванняў чалавека (суркі, суслікі).