Валдзіс Затлерс
Ва́лдзіс За́тлерс (Valdis Zatlers) — урач-траўматолаг, сёмы прэзідэнт Латвіі (абавязкі якога выконвае з 8 ліпеня 2007 года).
Нарадзіўся 22 сакавіка 1955 г. у Рызе. У 1979 годзе закончыў Рыжскі медыцынскі інстытут (сёння — Латвійская медыцынская акадэмія). Працаваў траўматолагам-артапедам у рыжскай бальніцы №2, у якой з 1985 году ўзначальваў аддзяленне траўматалогіі. З 1994 году Затлерс перайшоў на месца дырэктара ў бальніцу траўматалогіі і артапедыі, дзе і працаваў да свайго абрання на пасаду прэзідэнта Рэспублікі.
Затлерс - заснавальнік Латвійскай асацыяцыі артраскапіі (быў таксама яе прэзідэнтам), займаў пасаду віцэ-прэзідэнта і прэзідэнта (з 2003) Латвійскай асацыяцыі траўматалогіі і артапедыі. У красавіку 2007 году Затлерс быў узнагароджаны Ордэнам Трох Зорак IV ступені.
На пасаду прэзідэнта Латвіі быў намінаваны 22 мая 2007 года кіруючай парламенцкай кааліцыяй у якасці незалежнага кандыдата. У выбарах, якія адбыліся 31 мая, Затлерс перамог з колькасцю 58 галасоў «за» і 40 «супраць».
[правіць] Вонкавыя спасылкі
 Прэзідэнты Латвіі |
||
|---|---|---|
| 1922—1940 | Яніс Чакстэ (1922—1927) • Густаўс Земгалс (1927—1930) • Альбертс Квіесіс (1930—1936) • Карліс Улманіс (1936—1940) |  |
| З 1993 года | Гунціс Улманіс (1993—1999) • Вайра Віке-Фрэйберга (1999—2007) • Валдзіс Затлерс (2007 — 2011) • Андрыс Берзіньш (2011 — с.ч.) | |
